1 KORIN 3:6 - Cho Bible Common Language 2016

⁶ Kei naw m’shi ka geit ci, Apollos naw tui shawi ci, cun ung phi ng’lih pyo sak cicu Khanpughi ah kyak ci.

1 KORIN 3:6 Referans Kwoze

NG'THU K'THUUK~ 11:25

Nami khailang vai, khailang cicu bämang khai, chang m’hteihtang cicu chang naw m’hteihtang ba ci,

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

1 KORIN 9:1

Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?

ISAIAH 61:11

Geit m’shi cu ng’lih pyo ne a ghing gong ah mäih ah uktu Bawipa naw achang gui cu hun gui khai nei, chang pakhui avan naw ani cu m’hlüng tai khai nei.

LAMKTU 19:1

Apollos cu Korin ung a om yah ung Paul cu a htehthon nak ah kho ung kaa Ephesus ah gawk law ci. Cun ah gawnu ah ang khah püi am shah gui cu hmu gui netah,

LAMKTU 11:18

Cun ah thu ng’ya u netah cun ah chang gui cu, kä pyein m’shet ba u ne, “Khanpughi naw changpakhui hei gui am phi, ng’yuvat ba ne ghin nak gah vai ah mawng cu pe gui ci nei” cine Khanpughi cu m’hlüngtai ci gui.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

ROMAN 15:18

Chang khui hei gui naw Khanpughi ah ng’thu ami läk tu vai ah, Bawi Khrit naw ana bilawh sak ah mawng cu, kei naw m’gäi ne ka pyein khai nei. Cun ah Khanpughi ah ng’thu ami läk law tu cu, kei ah thu pyein la bilawh nak

LAMKTU 21:19

Paul naw ngami cu yei ne dou gui netah changpakhui hei gui ah ma ah ani awn Khanpughi naw a bi law ah a mawng gui cu m’thein tu gui ci.

LAMKTU 18:24

Cun yah ung Alexandria ah kaa Apollos ming nak ciah Judah chang tumat cu Ephesus ah lawk ci. Ani cu ang htei ah ng’thu m’gawng thei ne cacim phi hmat ciah chang ah kya ci.

LAMKTU 16:14

Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci.

SAM 127:1

Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

SAM 62:11

Hnü ät bäng ah kä kyak ciah ka ng’yak cu, Khanpughi naw, “Huham cu ani ah ka ah kyak ci.”

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

1 KORIN 1:12

Nangmi ungka chang amshah naw kei cu Paul ah nak chang cik ci, amshah naw Apollos ah nak chang cik ci, amshah naw Peter ah nak chang cik ci, amshah naw Bawi Khrit ah nak chang ci sei a heihei ah nami thu om cu ka pyein na kyak ci.

1 KORIN 3:7

M’shi geit ci la tui shawi cicu ak tung ah kä kyak ci, ng’lih pyo sak ciah Khanpughi cun vah ak tung ah kyak ci.

1 KORIN 3:22

Apollos, la Peter ni, shin ah khomdek khan ni, sih nak la ghin nak ni, tuhbäi kaa la ngawi ah kaa vai ni, avan nangmi naw nami khäm ci.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,