1 KORIN 3:10 - Cho Bible Common Language 2016

¹⁰ Kei naw Khanpughi ah na peit ah m’gein nak cokyang thei ciah chang ah mäih ah, ng’lei leh ne kam hnep ci, a hei chang tumat naw acun ah khan ah cokyang ci. Cun ung phi cokyang lawk ciahchang cu a i chaa ah a cawhkyan law ah geing nak khenggeng vai nei.

1 KORIN 3:10 Referans Kwoze

1 KORIN 3:11

Khanpughi naw Bawi Jesuh Khrih tumat bäng awn ng’lei leh ne am hnep pyi ah kyasei, a hei ng’lei leh hning khai a u kä om ci.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

ROMAN 15:20

Kei cu chang gui ah cawh nak pyi ah im hmun ung kä ka cokyang hlük ci, kei ah ng’bü nak cu, Bawi Khrit ah mawng kä ng’ya tu phak ciah khohmun ung ah, Thu Ni cu ng’shäu ne pyein vai ah kyak ci.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

THU PHLAAN 21:19

Mang gaw chaam cu k’toulung a hlü hlü k’süm ne ami cawih ah kiak ci. Ami k’süm htük cu, k’tolung, akhnih nak cu k’toulung sen, akthum nak cu m’liu lung, akphli nak cu vailung;

1 KORIN 9:2

Chang hei gui naw kei cu ang düihpüi ah kä ami na dou ung phi, nangmi naw nami na dou ci maw! Nangmi Bawi Khrih ung om ne nami ghin nak naw, kei ang düihpüi ah ka kyak nak cu ng’dang sak ci nei.

MATTHE 7:24

‘Kei ah ng’thu cu ngai ne ng’ya ne läk ciah chang cu, lung khui shawk ne im co ciah Lunglang ciah chang awn täng ci.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

2 TIMOTHI 2:15

Bi bi ah hmawk ah kä lü ng’aa ciah khuutbi la Khanpughi ah thu thuuk düng khaiah m’thei ciah nang cu, Khanpughi ah ng’yak hlü vai ah k’tha na pi bäih ne na bi vai nei.

KOLOSE 4:17

Cun kawn ah “Bawipa ah khuut nami bi cu pyi hlah ne nami bi vai nei” cine Archippus-am nami m’thein vai nei.

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

LUKA 11:35

Cun ah kyasei nangmi ung om ciah akdei cu ak hmüp ah kä a kiak en vai ah nami geing nak vai nei.

THUSHÄUTU 12:9

Cun ung phi Thushätu cu cüivai ci kya ne, ani naw a hmat cu chang gui am m’thei htang gui lä ci. Ani naw thu thuuk gui cu ng’thei ne a hman nak cu m’nüm ci.

JAMES 3:1

Ka phäinau gui aw, saya hlük ciah chang kä da-en sä. Nami hmat ah mäih ah mikmi saya gui cu, chang hei gui ah mä, ng’cet pi khai ah m’khoichaa nak mi gah khai nei.

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

ROMAN 15:15

Cun ung phi shin ah ca ung, amshah a mawng ama gui ah mawng ung nang mi ka ning m’cäi nak gui ung, kei naw Khanpughi ah na peit ah akhin k’ni cu mang ne m’gäi nak awn ka guk nei.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

ZEKHARIAH 4:9

“Zerubbabela naw Taigüim lung k’tung cu ng’ling ci nei. Cun ah im cu ani naw m’üp ne co khai nei. Shin gui a kyak awn ah ka chang gui naw hmat khai gui, ngami ah om nak ah ning tüi gui cicu kei ah kyak ci.

2 SHONTÄP NAK 2:12

Khankho la khomdek tüisho ciah Israel gui ah Bawipa Khanpughi cu m’hlüngtai vä! Ani naw David ghangpughang am cüivai ciah htapa cu pek ci nei, ani ung hmuhmat nak la m’khüt näng nak ak be ap ci nei, tuhbäi ani naw Bawipa ah Taigüim la amät ah mang im cu co khai ah pawng ci nei.

THU PHLAAN 21:14

Mang gaw k’chaam nak ung lung k’tung gha-lei-goi ng’ling ci gui. Cun ah lung k’tung gha-lei-goi ung Htomehta ah ng’düihpüi gha-lei-goi ah ming gui cu guk ah kyak ci.

2 KORIN 10:15

Cun ah kyasei Khanpughi naw bi vai ah a nam hnüt peit gui ah kawn ah chang gui ah bi ah hmawk ah kä kami khähghah ci nei. Nami yum nak däm lawk ciah kyasei, Khanpughi ah am hnüt nak ah kyong ung, nangmi ah ng’lung ah bi nak cu bä lawpi khai ah kami ngaih u ci nei.

NG'THU K'THUUK~ 9:1

Cüivai nak naw a im co ne k’tung chih ng’ling ci.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

2 PETER 3:15

Kami nau Paul naw Khanpughi ah peit ah cüivai nak awn ca a ning guk law gui ah mäih ah Bawipa ah hnimgei nak cu, hun nak nami gah vai ah lam a ning m’awng peit gui ah mawng cu, nami hmat vai nei.

PHYAWN NAK 36:4

Cun kawn ah bii bik ciah bithei ciah chang gui naw,

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.