1 KORIN 2:4 - Cho Bible Common Language 2016

⁴ ka pyeinsak m’theithang nak ung, hnicim chang ah hmuhmat nak ah thulung cu kä ka pyein ci, Khanpughi ah Mumcha hlüngtai nak awn be ciah ng’thulung bäng awn ka pyein ci.

1 KORIN 2:4 Referans Kwoze

1 KORIN 4:20

Khanpughi ah uknak ng’kyaa ne dou nak cu thu awn ah kä kyak ci, amät ah hlüngtai nak awn ah kyak ci.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

1 KORIN 1:17

Bawi Khrit naw tuihniim nak ka pek khai ah ana tüih ah kä kyak ci. Thu Ni ka pyein khai ah ana tüih ah kyak ci. Cun ah kya sei hnicim chang ah hmuhmat nak ah thu kä pyein ne, kutlam tung ung Bawi Khrih ah sih nak ah hlüngtai nak kä a häu vai ah cun ah Thu Ni bäng pyein vai ah kyak ci.

1 KORIN 2:1

Phäinau gui aw, kei naw nangmi ah law ne, Khanpughi ah ng’düngcim ciah hmuhmat nak awn kä ka pyein ci.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

2 PETER 1:16

Bämang nak awn Bawipa Jesuh Khrit a kyum law ba vai ah mawng ning m’thein gui cu, kami mät ah ngaih-tüh ah kami pyein ah pumah awi ah kä kyak ci. Keimi cu ani ah hlüngtai nak kami mik awn kami hmuk ciah chang ah kami kyak ci.

1 KORIN 2:13

Cun ah kyasei Mumcha gah ci gui am, Mumcha düng nak ah mawng m’dang ne m’thein nak gui ung, keimi naw hnicim chang ah m’theithang hmuhmat nak ah ng’thu cu kä kami pyein ci, Mumcha ah m’theithang nak ah ng’thu cu kami pyein ci. Keimi naw Mumcha düng nak kami m’theithang nak ung Mumcha om pyi ciah chang-am vah kami m’thei ci.

KOLOSE 2:4

Kei naw ka ning m’thein gui cu hleei pyein ne a u naw a i kä ning ng’cuh-en püi gui sä. Ngami naw a i hlawk ah nik ciah ami pyein ung phi kä nik khai nei.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

1 PETER 1:12

Ngahmi naw cun ah mawng ami pyeinsak cu, ami mät ah hmawk ah kä kiak ci, nangmi ah hmawk ah kyak ci, cicu Khanpughi naw, ngahmi ung dang sak ci. Nangmi ah om nak ah Bawi Khrit ah mawng Thu Ni law püi ci gui naw, cun ah profet gui naw ng’daut ne ami pyein ah a mawng gui cu, Khankho ah kaa a tüih law ah Mumcha Theing ah hlüngtai nak awn, nangmi ah khan ah ng’shäu law u sei nangmi naw nami ng’ya pyi ci nei. Cun ah a mawng gui cu Khanchang gui naw phi hmuhmat hlük ci gui nei.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

EZEKIEL 13:6

Ami müimang gui cu ami pyan ah kya ne, ami cängbang gui cu hleei ah kyak ci, Ngami naw kei ah ng’thu pyen ci gui ah pyen ci gui, cun ung phi kei naw kä ka tüi pe gui ci. Cun ung phi ami ng’thu cu bä khai ah ngaih u ci gui!

NG'THU K'THUUK~ 7:21

Ani naw aktü phlawh nak awn tüihtok khäta, pami cu ng’awi sei ng’thu ciah hnumi ung lut ci.

LAMKTU 26:28

Akrippa naw Paul am, “Nang naw kei cu, a shäng hta ung khritha ah na na kyak sak khai ah na ngai ci maa?” cine pyen nak ci.

SUKI GUI 16:5

Philistin ghangpughang hma gui cu, cun ah hnumi ah law u neta, “Samson cu theileh ne na ng’shi vai, ani a i ah kya ne ak thamah aih, keimi naw a i cha ah kami m’khüt khai, a i cha ah khit ne, am gein ka ah kyak khai ah kami ci thei khai, cun na hmat ung chang tumat naw ngui pit phia gha lei ät ci, kami ning pek khai” cik ci gui.

SUKI GUI 14:15

Ak phli hnüüp ung ngami naw Samson ah chu am ami pyen nak cu, “Thuzi ah mawng cu ana m’thein gui vai ah na cei cu theileh na ä.” Cun ah kä na bi ung na pa ah im mei awn m’khih ne, namät phi kami ning m’khih khai nei. Nangmi naw keimi nami na khü gui cu, nami na gutep gui vai ah kä kya ne ang?

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

NG'THU K'THUUK~ 20:19

Ng’pyen sak nak naw a i ka m’yih hlawt ci, Ng’thu akda ah pyen thei ci awn ng’shawng ne nami om vai.

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;