1 KORIN 2:16 - Cho Bible Common Language 2016

¹⁶ Cacim theing ung; “Bawipa ah m’lung ngaih cu a u naw hmat ci-ang? Bawipa cu a u naw m’cumcäi hning ci-ang?” ciah om ci. Cun ung phi mikmi cu Bawi Khrih ah m’lung ngaih mi gah pyi ciah kyak ci.

1 KORIN 2:16 Referans Kwoze

ROMAN 11:34

Cacim theing ung; “Bawipa ah m’lung ngaih cu a u naw hmat ci ang! Bawipa cu a u naw m’shüm hmuh tu hning ci ang!

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

JOB 15:8

Khanpughi naw am hnüt bäi gui cu nang naw na hmu ng’ya yawp ne ma? Hnicim chang ah cüivai nak cu nang bäng ung om ne ma?

JEREMIAH 23:18

Kei naw ka pyen ci, “Shin ah prophet gui a u naw phi Bawipa ah ng’zih ciah ngaih-tüh cu kä hmat hlawt ci nei. Ngami ungka a u naw phi kä ng’ya man ci, ani ah thu kä hmuhmat man ci, ngaih ah phi kä ngai man ci, ani ah pyen phi kä geing ne man ci.

ATÜNNAK 1:12

Khomdek naw m’shi khai ah geit, m’shi khai ah sing gaw avan cu phung ghing sak ci. Cun cu Khanpughi naw teng neta, yei ci.

1 KORIN 12:8

Mumcha Bawi naw chang tumat am kümbe ciah cüivai nak awn pyeinsak nak cu pek ci, acun ah Mumchabawi bä naw, a hei chang tumat am kümbe ci hmuhmat nak awn thuuk ne ng’kau ci pyeinsak nak thei cu pek ci.