1 KORIN 16:1 - Cho Bible Common Language 2016

¹ Ca nami guk law ah, Judea kho ah Khanpughi ah chang gui m’htei nak gui vai ah ngui ah mawng ung, Kalatia kho ah Khtihtabum gui kam cäi gui ah mäih ah nami bi vai nei.

1 KORIN 16:1 Referans Kwoze

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

ROMAN 12:13

Pyam thaam ciah khritha phäi nau gui am nami khawhchaam nami tei pai tu gui vai, lam hteit ciah chang gui am nami im kawt nami k’hmawn peit gui vai.

KALATIAN 2:10

Ngahmi naw ghawipyam ci gui, nami shüm gui vai nei, cine nam cäi gui ci gui, cun cu kei naw ka bi hlü pi ah kyak ci.

LAMKTU 24:17

Kei cu Jerusalem ungka naw ka hteh nak khokum akda shou law khätah, ka mät ah chang gui am ngui ka thak gui khai la, Khanpughi am peittaak nak ka bik khai ah, ka gawk law ba ci.

PHILIMON 1:7

Kam hni ah phäihta, nam hni nak naw kei cu ang htei ah na yeikyai sak ne, nak thamah sak ci nei. Khanpughi ah chang gui phung cu phi ami m’lung na thawh sak gui ci nei.

PHILIMON 1:5

Khanpughi ah chang gui nam hni gui ah mawng la Bawipa Jesuh Khrit na yum ah mawng cu kang yak ci nei.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

LAMKTU 11:30

Cun ah k’bäi u netah Jerusalem Khrithabum a gham gui am ami peit taak ah ngui gui cu, Barnabas la Soul am m’khäh gui ci gui.

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

KALATIAN 1:2

shi ah kei awn kami om ghawm ciah phäi nau gui naw, Kalatia kho ah khrithabum gui-am ca kami pe lawk ci nei:

LAMKTU 18:23

A cu ah ak shou om netah, Kalatia kho la Phrikia kho yung ah hteit ne yum ciah chang gui am thamah nak pe gui ci.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

LAMKTU 9:13

Ananias naw, “Bawipa, Jerusalem ah na chang gui ah khan ah, cun ah chang naw ak she ah abi lawh gui cu, chang akda naw pyein u sei kang yah pyi ci nei.

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

1 KORIN 11:34

Cun ah nami ng’cut law ung, Khanpughi ah m’khoichaa nak kä nami gah vai ah, ei cawi ci naw a im ah a ei shüt ge vai. A hei a mawng gui cu ka mät ka law kawn ah ka ning m’thein gui khai.

1 KORIN 16:15

Nangmi naw Stephanas la ak kyong ungka gui cu nami hmat ci. Ngami cu Achaia kho ung khritha ah kya law ma ci gui ah kya ne, Khanpughi ah chang gui ah hmawk ah bi bi vai ah ng’ap ci gui ah kyak ci.