1 KORIN 14:3 - Cho Bible Common Language 2016

³ Cun ung phi Khanpughi ah ng’thu ng’shäu ciah chang cun naw, chang gui ng’thu püi gui ne, m’hteihtang nak gui, m’shümthein nak gui, shungvong nak gui ah ng’thu pyein ci.

1 KORIN 14:3 Referans Kwoze

1 KORIN 14:12

Nangmi cu Mumcha m’cümhnah nak nami ng’ya hlü aih ci, cun ah kyasei Khrithabum cawhkyan nak vai ah m’cümhnah nak cu nami mang thei vai ah nami k’tha nak vai nei.

1 TIMOTHI 4:13

Kei kä ka law pha ah chuih chang gui ah ma ah caciim phat ne, thu pyein ne m’theithang ne, k’tha na ne na bi vai nei.

JUDE 1:20

Cun ung phi ka teihpüi gui, nami mät ah theingcim pi k’bäih ciah yum nak ung cokyang khänghtek ne nami om vai nei. Mumcha Theing ah hlüngtai nak ah kyong ung nami k’taigü vai nei,

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.

EPHESIAN 6:22

Cun ah kyasei ani nang mi ah om nak ah ka tüih law cu, keimi ah mawng a ning m’thein gui vai la k’tha mah nak a ning peit gui vai ah hmawk ah kyak ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

TITUS 2:6

Acun ah mäih ah ak hmaw chang gui cun phi ami htingling vai ah nam cäi gui vai nei.

1 KORIN 14:31

Nangmi nami van naw tumat täi ah Khanpughi ah thu cu nami shäu vai, cun ung ngai lawk ciah chang gui cu ng’theithang u ne, k’thamah nak gah khai gui.

1 KORIN 14:26

Cun ah kyasei phäinau gui aw, nangmi cu khawihnah vai ah nami pum law ah a kyak ung, tumat naw ng’äi m’cu sei, tumat naw m’theithang sei, tumat naw Khanpughi ah ng’thu thuuk pyein sei, tumat naw ng’thu a hlü hlü awn ng’thu pyein sei, a hei tumat naw cun ah ng’thu m’hlan ba sei, nami bi vai. Cun ah nami bi nak phung cu Khrithabum ah bä nak ah kya sä bäi.

ROMAN 14:19

Cun ah kya sei mikmi ung dimdeeih nak na pe gui khai la tumat la tumat k’thagui ming peit nak tu vai ah nam hteihtang gui khai cu, ang täi sei mawng nah ne mi bi vai kyak ci.

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

TITUS 2:9

Changshäm gui cu ami bawi ah ng’thu ami ngaih vai, a mawng avan ung ami bawi ami yei sak vai, ling ne kä ami thu en tu ba vai,

1 THESSALONIAN 2:3

Keimi naw hmakat nak, kä ng’cim ciah m’lung ngaih la kä ng’düng ciah ng’bü nak awn kami ning m’cäi gui ciah kä kiak ci.

1 KORIN 10:23

Nangmi naw, “Keimi naw a i phi kami bi hning ci” nami ci cu akcang ah a kyak ung phi apängavan cu kä nik ci nei. “Keimi naw a i phi kami bi hning ci” nami ci ung apängavan cu kä bä ci nei.

1 PETER 5:12

Shin ah ca k’tawi hta cu Silas ah nak khüi vong nak awn ka ning guk law gui nei. Ani cu bekhüt ciah khritha phäunau ah, kei naw ka yum ah kyak ci nei. Shin ah ca cu kei naw k’tha gui ka ning peit nak gui hlü la, shin cu Khanpughi ah m’gein nak akcang ah kiak ci, cicu ka saksi nak ah kyak ci nei. Cun ah m’gein nak ung khäng sei ng’düi vä.

HEBRU 13:22

Phäi nau gui aw, shin ah k’tha peit nak cu hnimgei ne nami ngaih vai ah ka ning paa nah gui ci nei. Tuhbäi ca ka ning guk law gui cu kä ng’sau aih hnga ci nei.

HEBRU 10:25

Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

1 TIMOTHI 6:2

Khritha bawimang gui ung khleihtein changshäm a om ah a kyak ung, kä ami shedam nak gui vai, phäi nau gui ah kyak ci, ciah ami ngaih vai. Ami hnün thawh peit gui cu, ami m’hni gui ah khritha gui ah kyasei, ngami naw k’tha nah pi ne ami hnün thawh peit gui vai ah kyak ci. Shin ah a mawng gui cu nang naw nam theithang na pyeinsak vai.

1 TIMOTHI 1:4

Ng’cu can düt vai ah kyak ciah pumah-awi m’cu ne ng’shon lam düt khei ci gui cun phi, cun ah kä ami kyak ba vai ah nam cäi gui vai nei. Cun gui cu Khanpughi ah ng’bü nak ah kä kya ci, yum nak kawn vah cun gui hmat vai kyak ci.

2 THESSALONIAN 3:12

Cun ah mäih ah chang gui cu, akni ah om u ne, ami mät ah hnun m’ghin nak vai ami mät naw ami bilawh vai ah, Bawipa Jesuh Khrit ah ang ming awn kami m’cäi gui ci nei.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

KOLOSE 4:8

Ani nang mi ah om nak ah ka tüih law cu, keimi a i hawkcha ah kami om ih ah mawng ning m’thein gui ne, a ning thawhlet sak gui vai ah hmawk ah kyak ci nei.

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

2 KORIN 2:7

Tuhbäi nuipai sei kä a thüi aih vai ah, ani cu m’gein ne, thamah nak pe vä.

2 KORIN 1:4

Ani naw yaica nak phung ung nam htei gui ci, cun ah kyasei Khanpughi ung mi gah cun ah m’htei nak awn, yaica ciah chang gui cu mi m’htei tu hning ci nei.

1 KORIN 14:17

Nang naw Khanpughi m’hlüngtai ne na taigü nak cu, a i hlawk ah a ni ung phi, chang hei ah phäh ah a bä nak kä om ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

ROMAN 15:2

Mikmi mi van naw ayum nak kä khäng htek tu phak ciah phäi nau gui, ami yum nak a khän htek law tu vai ah, ngami ah yeikyai nak la ni kyom nak cu mi pyang khai.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

LAMKTU 15:32

Judas la Silas cu ma lam ah a mawng hmat ci gui ah prophet ah kya ni ne, akhin ak shou ung yum ci gui am pumsa thagui mümcha thagui khän nak la thamah nak pe gui ci goi.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

LUKA 3:18

Johan naw chang gui cu lam k’ni ung ami hteh vai ah ng’thu a hlü hlü m’thein gui ci.

HEBRU 3:13

Nangmi cu cheishoh nak ung kä thuvi ne kä nami lingkheng-en vai ah, cacim theing naw “tuhngawi” ciah thu anam thein nak gui a om ah chuih, ak hnüüp tä sei tumat la tumat anmi hteinghtang tu vai nei.

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.