1 KORIN 14:1 - Cho Bible Common Language 2016

¹ Cun ah kyasei m’hni nak nami k’pan vai ah läk vä. Mumcha m’cümhnah nak cu ng’yak hlü nak om sä, Khanpughi ah ng’thu ng’shäu ne pyein nak cu ak tung ah ng’ya hlü pi vä.

1 KORIN 14:1 Referans Kwoze

1 KORIN 14:39

Cun ah kyasei phäinau gui aw, Khanpughi ah ng’thu ng’shäu ne pyein nak ung nami m’lung khäng htek sä, ng’thu a hlü hlü pyein nak phi kä maa en nah vä.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

1 KORIN 16:14

Nami bi phung m’hni nak awn nami bi vai.

1 KORIN 12:1

Tuhbäi ca guh ne nami na ng’shi ah Mumcha Theing ah m’cümhnah nak ah mawng, ka ning m’thein gui khai. Phäinau gui aw, cun ah a mawng cu akcang ah nami hmat vai ah ka ng’ya hlük ci nei.

1 KORIN 13:13

Ak tung ah pyein ung yum nak, ngaih u nak, m’hni nak ciah ng’täi ci mawng thum om ci; cun gui ung m’hni nak cu ak hlüngtai pi ah kyak ci.

1 THESSALONIAN 5:20

Mumcha Theing awn ak phyutheh ah küikyang ciah thu cu kä nami päipih vai.

NG'THU K'THUUK~ 15:9

Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

ISAIAH 51:1

Bawipa naw pyen ci, “Na ngai vä, hun phiawn vai ng’ya hlük ci gui, m’htei vai ah kei ah lawk ci gui. Nami law nak te ah lungk’pou, ami ning cawh nak gui te ah lungkhui cu nami ngaih tüh ba vai nei.

1 TIMOTHI 5:10

a om ani ah mawng ngaih gep nak om khai, a hta gui ak ni ah m’htei ci, khin chang m’htei ci, yum ciah chang gui ni kyom püi gui ci, yaica ciah chang gui m’htei gui ci, nik ciah bi phung tha na ne bik ciah kyak khai.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

1 KORIN 12:31

Cun ah kyasei nangmi naw küikyang pi ciah m’cümhnah nak cu nami m’lung ung khän sak vä. Cun ah küikyang pi ciah m’cümhnah nak cu ka ning m’dang gui khai nei:

NG'THU K'THUUK~ 21:21

M’gein nak la düng nak awn na om ung, nang cu akshou na ghing khai, Chang hei gui naw ning chang m’sui u ne bä sei ning bawihmau khai gui.

3 JOHAN 1:11

Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

ROMAN 12:6

Cun ah kya sei Khanpughi naw m’geinsei nak a na peit gui ah ci ah, mi mät phäh phäh naw mi gah ah m’gein nak cu mi mang khai. Mikmi ah gah ah m’gein nak cu Khanpughi ah ng’thu pyein nak hning ah a kyak ung, mikmi naw mi yum nak ah ciah, cun ah m’gein nak awn mi bik khai ah kyak ci.

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

ROMAN 9:30

Kei mi ah pyein hlü cu shin ah kyak ci, Khanpughi ah ma ah ng’düng vai ah kä k’tha nak ciah khui hei chang gui cu, ami yum nak awn Khanpughi ung ng’düng nak gah ci gui.

ROMAN 14:19

Cun ah kya sei mikmi ung dimdeeih nak na pe gui khai la tumat la tumat k’thagui ming peit nak tu vai ah nam hteihtang gui khai cu, ang täi sei mawng nah ne mi bi vai kyak ci.

1 SAMUEL 10:5

Cun kawn ah nang cu Gibeah ah Khanpughi ah khaw gui ah ni hteh vai, acu ah Philistin gui ah phung om ci. Gawnu ah luh nak m’kawt ung, khaw gui ah sonkyang ah ka kyum law ba ciah prophet bum ät awn nami ng’hmuk khai, ngami cu tingtäng ni, k’hting ni, phyung lawi ni, tingtangnu ni tum ci gui. Ngami cu ng’lam khai gui, m’lau khai gui.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

1 KORIN 14:22

Cun ah kyasei kä hmat ah ng’thu pyein nak ah m’cümhnah nak cu kä yum ci gui ah hmawk ah cäicat nak ah kyak ci, yum ci gui ah hmawk ah kä kyak ci, Khanpughi ah ng’thu shäu nak ah m’cümhnah nak cu, yum ci gui ah hmawk ah cäicat nak ah kyak ci, kä yum ci gui ah hmawk ah kä kyak ci.