1 KORIN 13:8 - Cho Bible Common Language 2016

⁸ M’Hni nak cu langtäi ci. Kümbe ciah thu thei nak, küikyang ciah thu a hlü hlü pyein nak, thuuk ciah hmuhmat nak gui cu maih yawp khai nei.

1 KORIN 13:8 Referans Kwoze

1 KORIN 13:13

Ak tung ah pyein ung yum nak, ngaih u nak, m’hni nak ciah ng’täi ci mawng thum om ci; cun gui ung m’hni nak cu ak hlüngtai pi ah kyak ci.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

HEBRU 8:13

Khanpughi naw cun ah thukhän thai ah mawng a pyein nak awn, ak htük ah thukhän cu kheei sak ci, cun ah kheei ci gui phung cu kä shou pha sei ng’kawn ne maih ci gui nei.

1 KORIN 13:10

Cun ung phi kümbe nak a gawk law hnüüp ung kä kümbe nak gui cu ng’kawn yawp khai nei.

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

LAMKTU 19:6

Paul naw ami lu khan ah a kut taih khäh tah Mumcha Theing cu ami khan ah gawk law sei kä hmat ah thu pyein u ne, Khanpughi ah thu phi pyein ci gui.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

1 KORIN 14:39

Cun ah kyasei phäinau gui aw, Khanpughi ah ng’thu ng’shäu ne pyein nak ung nami m’lung khäng htek sä, ng’thu a hlü hlü pyein nak phi kä maa en nah vä.

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

1 KORIN 8:2

Kei ka hmuhmat ci cik ciah chang cu akcang ah a i kä hmuhmat ciah kyak ci.