1 KORIN 13:7 - Cho Bible Common Language 2016

⁷ M’Hni nak ung hnu ng’hlah nak kä om ci; m’hni nak ung yum nak, ngaih ü nak la hniimgei nak cu kä ng’chei phung ci.

1 KORIN 13:7 Referans Kwoze

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

1 KORIN 13:4

M’Hni nak cu hniimgei nak, ng’awi ng’gi nak ah kyak ci; m’thüi m’khang nak, khähghah nak, chang ah ng’shei nak kä om ci.

2 TIMOTHI 2:24

Bawipa ah bik’bi cu ng’tukvook lup ciah kä a kyak en vai, chang ng’nü m’gein ne, hniimgei thei ciah saya k’ni ah a kyak vai.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

1 KORIN 9:12

A hei gui hngaw naw nangmi ungka ami gah khin ah a kyakung, keimi läi naw däm pui sei kami gah khin ciah kä kya ne ang? Cun ung phi keimi naw cun gui cu kä kami lak ci. Bawi Khrih ah mawng Thu Ni kä a ng’phleng nak vai ah kami bui aut phung kami hnimgei ci nei.

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

SAM 119:66

Na thumkhän ung ka zumhtek ci kyasei, cüivai nak la hmuhmat nak cu na yuk pe ä.

2 THESSALONIAN 1:4

Cun ah kyasei keimi naw nangmi ah mawng cu Khanpughi ah khrithabum gui ung khähghah ne kami pyein ci nei. Nangmi cu k’dukdeiu nak la yaica nak bui awt pang u ne phi nami m’khütnäng nak la nami yum nak ah hmawk ah kami längtang ci nei.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

HEBRU 13:13

Cun ah kyasei mikmi cun phi gaw ah k’pung ah hteit ne, Bawipa ah lü ng’aa nak cu, mi ng’pai tuk khai nei.

ROMAN 8:24

Mikmi cu ngaih u nak awn hun nak mi gah ci. Cun ah mi ngaih u cu mikmi naw kä mi hmuk ci, mi hmuh ah a kyak ung cun cu akcang ah mi ngaih u ah kä kyak ci. Mik awn hmuh ei cu a u naw ngaih u khai ang!

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

ATÜNNAK 29:20

Jakob cu Rachelah a gah vai ah kum chih ung ng’hlawh ne bik ci. Cun ung phi Rachelah cu m’hni ci kya neta hnüüp api hta ah ngai ci.

THULÄÄN NAK 1:9

Moses naw chang gui a pyen na gui cu, “Sinai M’htung ah mi om yah ung ka ning m’thein gui ci, ‘Nangmi ning khawngmang nak gui ah bilawh cu kei ah phäh ah däm aih ci nei, kei ka mät bäng naw kä ka bi hning ci.

MAKUH 9:23

Bawipa Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

THULÄÄN NAK 22:27

Pami naw ami beik pyi ah hnumi hta cu pya ah ak pyei ah kyak ci. Ani cu ami gun tu vai ah m’lau ci, cun ung phi ani gung tuk ci a u kä om ci.