Biblia Todo Logo
Bib sou entènèt

- Piblisite -




1 KORIN 13:5 - Cho Bible Common Language 2016

5 M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

Gade chapit la Kopi




1 KORIN 13:5
37 Referans Kwoze  

A u naw phi nami mät ah chaw kä nami shui vai, chang ah k’chaw nami shui peit vai.


Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.


A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.


Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.


Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.


Cun ah kyasei pumsa tumat ung hngi hnga nak kä om ci, ang phyeekpai gui a van cu ng’gui ng’phaa yawp ci gui.


Keimi ah ng’thu pyein cu, Khanpughi naw hnicim chang avan, Bawi Khrih awn a teihpüi ah pyan ci ciah mawng ah kyak ci. Khanpughi naw chang gui ah katnak cu kä m’hnüt pe gui ci, chang gui a teihpüi ah a kyak sak nak gui ah mawng, thu cu na pe gui ci.


Kei cu kabilawh nak phung ung ka mät ah hmawk ah ka ng’ä ne, chang gui ami yei vai ah, chang ah hmawk bäng ah ka bik ci. Cun cu ngami naw hun nak ami gah vai ah kyak ci, nangmi phi kei ah bi ah mäih ah nami bi tu vai.


Ak htük bäih ah ng’bum ne nami pum nak ung nami m’lung ngaih hnu ng’tuk ne ang pai ah mawng cu ka ning hmat gui ci.


Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.


Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.


Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.


Keimi ah bilawh ah mäih ah nami bilawh tu vai cu, nangmi nami mät naw nami hmat ci. Keimi cu nangmi awn a täng ah mi om yah ung kä kami damduh ci.


Hta be ne gah pyi kawn ah ngahni ani mät naw kä ng’chula ling vai ah ani k’bäi ung phi; Pami naw hnumi ah khan ah a om ih kä nik ciah a hmat law ung phi bäi, am lung kä k’üüp hlawt ne ng’chula kung ung bä khai ah a ngaih ung phi bäi, ang yak hlü ah mäih (kä) Pami tumat la a hta hnumi: ani naw hnumi ah khan ah a om ih kä nik ciah a hmat law ung, (kä) Cun ah hnumi cu ceimah khin ciah a kyak ung, ani naw a mät ah ng’yak hlü ah chu na sä. Ah ng’chula ni sä. Cun ah bi nak ung katnak kä om ci.


Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?


Chang päng naw chang nü ah khan ah ei hlü mang phya khai. Hmaw chang gui naw ami ng’vaihta gui kä chang m’sui khai gui, kä chang man gui naw chang man gui cu kä chang m’sui khai gui.


Ammonit ng’vai gui naw ami ghangpughang am, “Shin cu David naw napa am taam nak ah, nang a ning k’büi nak ah chang gui a tüih law ah na ngai ne ang? Cun ah kä kyak ci! Ani naw a tüih law gui cu mang gaw a tuk nak vai ah ng’dät-khai gui ah kyak ci nei, cun ah kyasei ani naw na khäm gui hning ci nei!” cik ci gui.


Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.


Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”


M’lung she aiha ciah chang naw ak gu ang ah bii bik ci, cuivai pi cicu adüm ah om ci.


Nangmi naw nami m’thüi cu kei naw ka hmat ci.


Moses cu ang htei ah m’lungshe neta, Bawipa ah ma ah “Shin ah chang ah law püi ah douthak cu a i phi kä na dou vai. Ngami ah khan ah ka cheishoh nak a i phi kä om ci, kei naw ami ng’sela tumat phi kä ka la man ci.”


(Moses cu m’lung neim ciah chang, khomdek khan chang avan ung m’lung neim pi ci) cik ci.


Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!


Moses naw, “Nami paw gui Israel gui hteit ne ami ng’tuk yah ung nang mi shin ung nami om hlü düt ci ma?


Swiv nou:

Piblisite


Piblisite