1 KORIN 13:4 - Cho Bible Common Language 2016

⁴ M’Hni nak cu hniimgei nak, ng’awi ng’gi nak ah kyak ci; m’thüi m’khang nak, khähghah nak, chang ah ng’shei nak kä om ci.

1 KORIN 13:4 Referans Kwoze

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

1 JOHAN 4:11

Teihpüi gui aw, Khanpughi naw cun hlawk ah a nam hni gui ah a kiak ung, mi mät phi mi ng’yum hni tuk khai nei.

NG'THU K'THUUK~ 17:9

Chang naw aning m’hni vai na ng’yak hlü ung nang ung katnak bik cicu na m’geinsei vai. Shum ba laih laih ah katnak naw ng’khawt nak cu m’shet thei ci.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

2 PETER 1:7

Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

EPHESIAN 4:2

Ang täi sei nami m’lung neim sak ne, ng’awi ng’gi ne, hnimgei ne nami om vai nei. Tumat la tumat Lung gei, ngaih ni nak awn, nami m’hni cu dang sak vä.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;

NG'THU K'THUUK~ 19:22

Thüisei nak cu ng’yak hlü nak aih ah kyak ci. Dukhaih ci gui cu hleei hlak ciah chang ah ta ba pi ci gui.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

1 KORIN 4:6

Phäinau gui aw, nangmi ah hmawk ah shin ah a mawng ung, Apollos la kamät awn m’tumtäng ne ka pyein ah kyak ci nei. Cun cu “Thukhän cu kä nak kaan vai” ciah thu thuuk cu hmat ne nami ng’thei nak vai ah hmawk ah kyak ci nei. Nangmi cu tumat la tumat kä nami ng’khinkhawn tu vai, kä nami ng’päipih tu vai.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,

NG'THU K'THUUK~ 31:26

Ani cu cüivai ne ng’awi gi khai ah ng’thu htau ci.

NG'THU K'THUUK~ 31:20

Ani cu dukhaih ci gui la ng’ya hlük ci gui ah ma ah ng’khailang ci.

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

NEHEMIAH 9:17

Na ng’thu läk vai ah mak ci gui; nang ah bi gui avan m’hnih ci gui; Nang naw na m’dang ah cäi aih vai gui phi m’hnih ci gui. Chang ah ami ng’shei nak awn Egypt khaw ah changshäm ah kyak ba vai ah hteh püi ba gui khai ah ami ng’vai cu ghü ci gui. Cun ung phi nang cu m’geinsei ciah Khanpughi ah na kyak ci; Nang cu na m’gein ci, na m’hni ci, kä na m’lungshe yäi ci. Na chimgein nak cu dämduh ci, nang naw kä na nawng gui ci.

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

THUSHÄUTU 10:4

Ning uk ciah chang, na khan ah a m’lungshe law ah a kyak ung na bi kä na nawng en vai; nang cu a düm ah na om ah akyak ung, cheishoh nak aktung phi ning m’gein khai nei.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

SAM 10:5

Changshe cu a päng ung näng ci Khanpughi ah ng’thumcha nak cu kä hmat hlawt ci; a ga gui phi m’lep gui ci.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

1 TIMOTHI 6:4

kä ng’müi sak ci cu, chang ah ng’shei aih ne a i ng’hlui kä hmat ciah kyak ci. Ani cu ng’vook shan vai, ng’küük neet vai ng’yak hlü ciah kyak ci. Cun naw vamneng nak, cuhcan nak, m’thüikhang nak, shedam nak,

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

ROMAN 1:29

Ngami cu shekat nak a hlü hlü bi u ne, ngetngawng nak, shemshai nak, ng’yak hlü aih nak, om k’she nak, m’thüikhang nak, chang ngawn nak, ng’tuk nak, hleeihlak nak, ng’u hngeit nak, gui cu m’chei m’shoh ci gui. Ngami cu khleei u ne;

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

1 KORIN 4:18

Nangmi ah kei kä ka law ba khai ah ngai u netah chang amshah gui cu chang ah ng’shei ci gui nei.

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

PHILIPPIAN 1:15

Chang amshah gui naw m’thüikhang nak ah m’lung ng’tukvook nak hlü ah m’lung awn Bawi Khrit ah mawng cu pyeinsak ci gui, cun ung phi chang amshah naw m’lung ngaih k’ni awn pyeinsak ci gui.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

1 KORIN 5:2

Cun hlawk ah shetkat nak om sei phi a i ah kya sei nami khähghah lä ang! A i ah kya sei cun ah hmawk ah kä nami thui ng’aa ang! A i ah kya sei cun ah mäih ah chang cu nami bum nak ungka kä nami k’täm ang!

MATTHE 27:18

Jew chang ng’vai gui naw ami thüi nak su ah, Bawipa Jesuh cu a kut ung ami ap ah ani naw hmat ci.

ATÜNNAK 30:1

Rachelah cu kä hta tuk ci. Cun ah kya ne a pai ah khan ah m’thüi law neta, Jakob am, “Na hta tu sak ä, kä cun ung ka sik khai nei” cik ci.