1 KORIN 13:3 - Cho Bible Common Language 2016

³ Kei ung om ciah khawh avan pe ne, ka pumsa mei ung m’khih hning ne Khähghah nak hlü vai ah ka ap ung phi, kei ung m’hni nak kä a om ung, kei ung bä nak kä om ci.

1 KORIN 13:3 Referans Kwoze

JOHAN 15:13

A paw chang ah hmawk ah a ghin nak pe ne m’hni ciah, m’hni nak ah kawn ah, däm pi ciah m’hni nak kä om ba ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

LUKA 18:28

Cun kawn ah Peter naw, “Bawipa, keimi cu kami pyu im nawng shüt ne kami ning läk pyi ci nei” ci khätah,

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

JOHAN 12:43

Ngami cu Khanpughi ah m’tamkhah nak ah mä, chang ah m’tamkhah nak cu m’hni pi ci gui ah kyak ci.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

JOHAN 13:37

Peter naw, “Bawipa, a i ah kyasei tuhbäi kä ka ning läk hlawt vai ang? Nang ah hmawk ah ka ghin nak phi ka pek khai nei” ci ne pyein ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

LUKA 19:8

Zakhaeus cu ng’düi law netah, Bawipa Jesuh-am “Bawipa, kei ah ka khawh cu a teih k’pai ne ghawipyam ci gui-am ka pek khai nei. Kei naw chang ah ngui kä düng ciah ka lak a om ung phi, a cun ah ngui ah ak phli ah ka pe ba khai nei” cik ci.

JEREMIAH 7:8

“Teng vä! Hleeihlak ciah thu ung nami ngaih gep ci nei.

PHILIPPIAN 2:3

Khäghah nak hlü la mät ah ng’yak hlü shui nak awn a i phi kä nami bi vai, chang cu mät ah mä, bä tu ba ci, ciah ngaih tüh ne, nami m’lung nami ng’neim sak vai nei.

ISAIAH 57:12

Nangmi naw nami bi cu hman ciah nami ngai ci, cun ung phi nami bi gui cu kei naw ka m’dang lawk khai nei, nami agup gui naw kä ning hun ba gui hning khai gui.