1 KORIN 13:12 - Cho Bible Common Language 2016

¹² Tuhbäi mikmi ah hmuh nak cu müi m’dang ci ung müi teng ah mäih ah kyak ci; cun kawn ah mik hmai ng’chum sei mi ng’hmu lawk khai. Tuhbäi kei ah hmuhmat nak cu kä kümbe ci, cun kawn ah, Khanpughi naw kei cu kümbe sei a na hmuhmat ah mäih ah, kei naw kümbe sei ka hmuhhmat lawk khai.

1 KORIN 13:12 Referans Kwoze

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

PHILIPPIAN 3:12

Kei naw cun a ng’cheng cu ka gah pyi ci, ka kümbe pyi ci ciah pyein ah kä kyak ci. Cun ung phi cun ah ng’chuh cu na pek khai ah Bawi Khrit naw kei cu na k’pang pyi ci kya sei, cun ah m’kawt ung gawk ne ng’chuh cu ka dou vai ah kei naw ka k’tha nak ci nei.

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

JAMES 1:23

Thucim cu ngaiyak tu netah akcang ah dang khai ah kä mang ciah chang cu, hman ung a müi teng netah, a müi bäbä hmuk ciah chang awn täng ci.

2 KORIN 5:7

Mi ghin nak ung yum nak cu ak tung ah kyak ci, mik awn hmuh nak cu ak tung ah kä kyak ci.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

1 KORIN 8:3

Cun ung phi Khanpughi m’hni ciah chang cu Khanpughi naw hmuhmat ci.

ROMAN 8:18

Tuk bäi chü mi bui aut ah gein vai nak cu, Khanpughi naw a na peit law gui vai ah bämang nak awn kä tutäng khai ciah kei naw ka yum ci.

KHEI NAK 12:8

Cun ah kyasei ani cu hmai chum ne ka ng’thu püi ci, ng’htei khai ah kä yivon ne, ani naw ka müi phi na hmuk ci. Ka changshäm Moses cu a i ah nami m’thüikham nak ci ang?

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

PHYAWN NAK 33:11

Chang naw ateihpüi ang htau püi ah mäih ah Bawipa naw Moses cu hmai ng’chum ne ng’htau püi ci. Cun kawn ah Moses cu hmun im ah law ba ci. Cung phi ani bawm tuk ciah chang nong Nun ah hta Joshua cu phung ah kyong ah om shüt ci.

EZEKIEL 17:2

ani naw pyen ci, “Hnicim Chang, m’tumtäng nak tumat Israel gui am m’thein gui ä.

JOB 19:26

Kei ah ka vun la ka sa gui cu nat nak awn athukat ung phi, a shin ah ka pums awn Khanpughi cu ka khawihnah khai nei.

JOB 36:26

Mikmi naw ani ah dämduh nak cu akbe ah kä mi hmat hlawt ci, Ani ah kho kum cu kä mi khei hlawt ci.

1 KORIN 13:11

Kei cu ka k’hmaw yah ung ka ng’thu htau, ka om ih, ka m’lung ngaih cu ak hmaw ah mäih ah kyak ci; tuhbäi ka ng’vai law kawn ah ak hmaw ah mäih ah kä ka kyak ba ci.