1 KORIN 13:1 - Cho Bible Common Language 2016

¹ Kei cu m’dek chang ah thu a hlü hlü la khanchang ah thu ah ka ng’thu thei ung phi, m’hni nak kä a om ung, tum bä ung ng’ging ciah k’bei la ng’sheei ah mäih ah ka kyak ci.

1 KORIN 13:1 Referans Kwoze

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

KALATIAN 5:22

Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;

1 KORIN 13:8

M’Hni nak cu langtäi ci. Kümbe ciah thu thei nak, küikyang ciah thu a hlü hlü pyein nak, thuuk ciah hmuhmat nak gui cu maih yawp khai nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

1 KORIN 8:1

Tuhbäi ung agup am sonkian ah ei ah mawng nami na ng’shi cu ka ning m’hlan gui khai. Mikmi mi van ung hmuhmat nak om ci cicu akcang ah kyak ci, cung phi hmuhmat nak naw chang cu lämaa sak ci; m’hni nak naw vah chang cu m’küi m’khän ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

ROMAN 14:15

Ei tumatmat na ei nak awn na phäi nau cu ngaih na khak sak ah a kyak ung, nang naw ani ah khan ah na om k’she nak ah kyak ci. Bawi Khrit ah sih nak cu cun ah chang ah hmawk ah phi kya tuk ci kya sei, tumatmat ah ei nami ei nak awn cun ah chang ah ngaih cu kä khak en sak vä.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

1 KORIN 12:8

Mumcha Bawi naw chang tumat am kümbe ciah cüivai nak awn pyeinsak nak cu pek ci, acun ah Mumchabawi bä naw, a hei chang tumat am kümbe ci hmuhmat nak awn thuuk ne ng’kau ci pyeinsak nak thei cu pek ci.

1 KORIN 12:16

Hnga naw, “Kei cu mik ah kä ka kyak ci, pum awn kä ka ng’phaa ci” a ci ung cun a ci nak awn ani cu pum ung kä ng’phaa tuk ciah kya ne ang?

SAM 150:5

Ng’sheei phi tum ne m’tam vä. Ng’sheei nu gui tum ne m’tam vä.

MAKUH 16:17

Zum ciah chang gui cun naw cäi aih vai bi nak hning ah hlüngtai nak gah khai gui. Kei ah ming awn khoshe phi k’täm khai gui, thu a hlü hlü phi pyein hning khai gui,

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

1 KORIN 14:2

Kä hmat ah ng’thu pyein ci cu, chang ng’thu püi ciah kä kyak ci, Khanpughi ng’thu püi ciah kyak ci, ani ah ng’thu cu a u naw kä hmat ci. Ani cu Mumcha hlüngtai nak awn thuuk ciah ng’thu gui pyein ci.

1 KORIN 14:4

Kähmat ah ng’thu pyein ciah chang naw amät küikyan ci, Khanpughi ah ng’thu ng’shäu ne pyein ciah chang naw Khrithabum avan küikyan ci.

1 KORIN 14:5

Nangmi nami van cu ng’thu a hlü hlü nami pyein vai ah ka ng’ya hlük ci; cun ung phi Khanpughi ah ng’thu ng’shäu nak ah m’cümhnah nak nami gah vai cu ka ng’ya hlü pi ci. Khanpughi ah ng’thu ng’shäu ne pyein ciah chang cu kä hmat ah ng’thu pyein ciah mä küikyang hlüngtai tu ba ci. Kä hmat ah ng’thu pyein ci cu, m’hlan ne pyein ci a om ung vah Khrithabum ah phäh ah a phu om ci.

THU PHLAAN 14:2

Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.