1 KORIN 12:6 - Cho Bible Common Language 2016

⁶ Khuut bi nak vai k’thagui a hlü hlü a om ung phi, chang a phäh phäh am, thagui a hlü hlü pek cicu Khanpughi tumat bäng ah kyak ci.

1 KORIN 12:6 Referans Kwoze

1 KORIN 12:11

Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.

1 KORIN 3:7

M’shi geit ci la tui shawi cicu ak tung ah kä kyak ci, ng’lih pyo sak ciah Khanpughi cun vah ak tung ah kyak ci.

JOHAN 5:17

Bawipa Jesuh naw, “Kapa cu angtäi ah bi bik ciah kyasei, kei phi ka bik khai” cik ci.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

EPHESIAN 4:6

Hnicim chang avan ah Pa, Khanpughi tumat bäng om ci, Ani cu ang tü a van ah Bawipa, van ung bi bi ne, van ung om ci.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

1 KORIN 15:28

Apäng avan cu Bawi Khrih ah uknak ka ah a gawk awn ah, amät A Htapa cun phi, a päng avan a kho kaa ah gawk sak ciah Khanpughi ah kaa ah gawk khai; cun kawn ah Khanpughi naw a päng avan cu kümbe khai ah uk yawp khai.

JOB 33:29

Khanpughi naw shin gui cu leng ba ba ne bik ci.

1 KORIN 12:5

Khuut bi nak a hlü hlü a om ung phi, akhuut bi peit ah Bawipa tumat bäng om ci.