1 KORIN 12:4 - Cho Bible Common Language 2016

⁴ Mumcha m’cümhnah nak a hlü hlü om ci, cun ung phi cun gui avan cu Mumcha tumat bäng naw pek ci.

1 KORIN 12:4 Referans Kwoze

1 PETER 4:10

Nangmi tumat täi cu Khanpughi ah m’shumphyuk nak a hnga hnga nami gah ci. Cun ah Khanpughi ah m’shumphyuk ak küikyang ah gah ci naw a paw chang ah ni kyom nak vai ah a mang vai nei.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

HEBRU 2:4

Acun ah khin ung Khanpughi a mät naw cäi aih vai gui, cäicat vai gui am dang nak awn la a mät ah ng’yak hlü ah Mumcha Theing am shum phyuk nak awn saksi cu dang sak ci.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

PHYAWN NAK 31:3

Ani cu ka huham awn ka k’be ci. Kei naw ani am, guk then shehpyan nak ung hmuhmat nak, theithang nak, m’khütnäng nak ka pek ci,

1 KORIN 7:7

Akcang ah chang avan cu ka mät ah mäih ah ka kyak sak hlük ci: cun ung phi Khanpughi naw chang tumat ci am m’cümhnah nak a phäh phäh cu na pek gui ci.

1 KORIN 12:1

Tuhbäi ca guh ne nami na ng’shi ah Mumcha Theing ah m’cümhnah nak ah mawng, ka ning m’thein gui khai. Phäinau gui aw, cun ah a mawng cu akcang ah nami hmat vai ah ka ng’ya hlük ci nei.

1 KORIN 12:5

Khuut bi nak a hlü hlü a om ung phi, akhuut bi peit ah Bawipa tumat bäng om ci.