1 KORIN 12:3 - Cho Bible Common Language 2016

³ A u chang phi Khanpughi ah Mumcha ah lam shüm nak kä gah ci naw Bawipa Jesuh cu kä k’she na hning khai; a chang phi Mumcha Theing naw lam kä am shüm naw ‘Jesuh cu Bawi Nei’ cine kä ng’kyaa hlawt khai, cicu ka ning hmat sak gui hlük ci.

1 KORIN 12:3 Referans Kwoze

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

ROMAN 10:9

Bawi Jesuh cu Bawipa nei, cine ng’kyaa ne, Ani cu Khanpughi naw sih nak ungka thawh ba sak ci nei, cine nami m’lung ung nami yum ah a kyak ung, nang mi cu hun nak nami gah khai.

JOHAN 13:13

“Nangmi naw kei-am, ‘Saya awi, Bawipa awi’ cine nami na khü ci. Acun ah ka kyak ci kyasei, acun ah nami na khü cu nik ci.

1 KORIN 8:6

Mikmi ung mi Pa Khanpughi tumat bäng om ci, ani cu avan tüisho ciah Pushihpi ah kyak ci, ani ah hmawk ah mikmi cu mi ghing ci: Mik mi ung Bawipa tumat bäng om ci, cun cu Jesuh Khrit ah kyak ci, ani naw a päng avan cu tüisho sei, ani ung mi ghing ci.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

MATTHE 22:43

Bawipa Jesuh naw, “Cun ah a kyak ung a i ah kyasei mumcha Theing ah thawh let nak awn David naw, ‘Messiah Bawipa’ cine akhü ang?

MAKUH 9:39

Bawipa Jesuh naw, “Ani kä nami maa nak vai, kei ah ming awn cäi aih vai gui cu bi netah, kei nam shetkat khai ah chang a u kä om ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

THULÄÄN NAK 21:23

Cun cu mü lüng ne a cu ah kä nawng vai. A cu hnüüp ung m’cim vai. Aksi ah pumsa k’tung ung bah naw khomdek khan ah Khanpughi ah plah taam nak law püi ci. Aksi ah pumsa cu m’cim vai, cun ung Bawipa nami Khanpughi ah ning pek gui ah khaw cu nangmi naw kä nami lelawi sak khai.

2 KORIN 11:4

Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!

ROMAN 9:3

Ka chang gui, ka k’chi ng’chüng gui ah hmawk ah Khanpughi ah m’kyuk nak la Bawi Khrit awn ng’pai nak phi ka aut hlük ciah m’lung om ci nei.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

JOHAN 13:14

Kei cu nami Bawipa la nami saya ah ka kyak ci, cun ung phi nami kho kam si pyi ci. Cun ah kyasei nami mät gui nami kho nami ng’si tu peit vai.

SAM 109:20

Bawipa, ka ga gui, akshe ah ng’thu ne na hnu ng’tuk püi ci gui cu, a cun ah mäih ah m’kyuk gui ä!

LAMKTU 8:37

(Philip naw, “Nang cu nam lung kyawng avan awn Bawipa Jesuh na yum ah a kyak ung tui nang hnim vai” ci neh pyen nak ci. Cun ah bawi naw, “Bawipa Jesuh Khrit cu Khanpughi ah Htapa ah kyak ciah, kei naw ka yum ci nei” cik ci.)