1 KORIN 11:3 - Cho Bible Common Language 2016

³ Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

1 KORIN 11:3 Referans Kwoze

ATÜNNAK 3:16

Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

KOLOSE 3:18

Hnumi gui aw, nami cei ah ng’thu nami ngaih vai nei, cun cu khritha ah nami kyak nak awn nami bi vai ah kyak ci,

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

1 KORIN 3:23

Nangmi cu Bawi Khrih naw ning khäm gui sei, Bawi Khrih cu Khanpughi naw khäm ci.

EPHESIAN 4:15

Mikmi cu m’hni nak ah m’lung htek ung, thu thuuk mi pyein nak awn, chunglu ah kyak ciah Bawi Khrit ung ng’phaa vai ah, a mawng alam avan ung mi hlüngtai tuk khai nei.

1 PETER 3:1

Acun ah mäih ah, hnumi gui, nami cei ah pyein ah nami om vai nei. Cun ung vah nami cei naw Khanpughi kä ah yum tu te ah a kiak ung phi, nami om ih hnünthawh naw thu m’kha ät kä nami pyein ung phi, yum law tu sak khai nei.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

JOHAN 14:28

Kei tuhbäi ka hteh ung phi nangmi ah om nak ah ka law ba khai’ ka cicu nami ng’ya pyi ci. Kapa cu kei ah hlüngtai pi ci, acun ah kyasei, nangmi naw kei nami nam hni ung, Kapa ah ka hteh ba ung nami yeikyai khai.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.