Biblia Todo Logo
Bib sou entènèt

- Piblisite -




1 KORIN 11:2 - Cho Bible Common Language 2016

2 Nangmi naw kei cu angtäi sei na shümba u ne, ka ning m’thei thang gui cu nami läk ah hmawk ah ka ning m’hlüngtai gui ci.

Gade chapit la Kopi




1 KORIN 11:2
12 Referans Kwoze  

Cun ah kyasei phäi nau gui aw, khäng sei ng’düi u ne ng’thu nami pyein nak la ca nami guk nak ung, kami ning m’thein gui ah cacim cu nami kutshum vai nei.


Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.


Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.


Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.


Nangmi ung nami ei awk nak vai nami mät ah pyu im kä om ne maa? Kä cun ung nangmi naw Khanpughi ah Khrithabum päipih u ne, ghawipyam ciah chang gui cu nami lü ng’aa sak gui ci maa? Nangmi ah mawng a i ah ka pyein vai nami ng’a hlük ci ang? Ka ning m’hlüngtai gui vai maa? api ah phi kä ka ning m’hlüngtai gui khai nei.


Shin ah m’shümthein nak ka ning peit nak gui ung, ka ning pyein nak gui vai tumat om ci. Cun cu, nangmi cu khawihnah ne nami pum nak ung, akni ah mä akshe dapi ci.


Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.


Tuhbäi Timothi cu law ba ne nangmi ah yum nak la m’hni nak ah mawng akbä akni ah pyein law ba ci. Nangmi naw keimi cu na shüm gui kheng geng u ne, keimi naw kami ning hmuh gui hlü ah mäih ah nami na hmuh gui hlü cu, nam thein law gui ci nei.


Chang avan cu Khanpughi naw am shum k’phyuk awn ng’mü khai ah Khanpughi naw a khü yah ung a om ah mäih ah a om vai ah kyak ci. Cun cu khrithabum päng ung kam theithang ah thukhän ah kyak ci.


Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.


Swiv nou:

Piblisite


Piblisite