1 KORIN 11:16 - Cho Bible Common Language 2016

¹⁶ Shin ah a mawng pyein ne ng’cuhcan hlük ciah chang gui am, “Keimi ung phi bäi, Khanpughi ah khrithabum ung phi bäi, shin ah kawn ah thungyo a hei kä om ci nei” ciah kam thein gui ci nei.

1 KORIN 11:16 Referans Kwoze

1 KORIN 7:17

Chang avan cu Khanpughi naw am shum k’phyuk awn ng’mü khai ah Khanpughi naw a khü yah ung a om ah mäih ah a om vai ah kyak ci. Cun cu khrithabum päng ung kam theithang ah thukhän ah kyak ci.

1 THESSALONIAN 2:14

Phäi nau gui aw, nangmi ah bui awt ah mäih ah Bawipa Jesuh Khrit ung om ci gui ah Judea kho ah Khrithabum gui cun phi, bui awt tuk ci gui nei. Nangmi cu nami mät ah kho chang gui naw ami ning k’dukdeiu nak gui ah mäih ah, ngami cun phi Jew chang gui naw dukdeiu na gui ci gui nei.

LAMKTU 21:24

Ngami awn a täng ah hteit u netah a täng ah theingcim nak cu nami bi vai, nami lu nami k’teiu nak ah ang khah cu nang naw na peit vai. Cun ah na bi ung nang ah mawng chang gui ah pyein cu kä hman ciah hmu u ne, na mät naw ma ne, Moses ah thukhän cu na läk ciah chang a van naw hmat khai gui.

LAMKTU 21:21

Nang naw changpakhui hei gui ah ng’lung ah om tuk ciah Judah chang gui am, “Nami hta gui vun aat nak kä nami bi peit gui vai, Judah thung kä nami läk vai” cine, Moses ah thukhän ami nawng vai ah nam theithang gui cu ngami naw ng’yak ci gui nei.

1 KORIN 16:1

Ca nami guk law ah, Judea kho ah Khanpughi ah chang gui m’htei nak gui vai ah ngui ah mawng ung, Kalatia kho ah Khtihtabum gui kam cäi gui ah mäih ah nami bi vai nei.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

1 KORIN 9:1

Kei cu ng’päi om chang ah kä kya ne ang? Ang düihpüi ah kä kya ne ang? Mi Bawipa Jesuh ka hmuk ciah chang ah kä kya ne ang? Nangmi cu Bawipa ah bi ka bi nak ung kaa nami dang lawk ciah kä kya ne ang?

1 KORIN 9:6

Kei la Barnabas bäng naw kani ghin nak vai ah hmawk ah bi kani bik khai maa?

1 KORIN 11:15

cun ung phi hnumi ah hmawk ah kyom nak ah kyak ci. Lusam ng’sau nak cu hnumi am lu uknak ah a peit ah kyak ci.

JEREMIAH 32:11

Kei naw hleih nak ah ca guk ani-nik hnih kyak ciah — ng’khleih nak ca guk ung m’hnüt ah ca guk acun ah mawng la kä m’hnüt cu la neta —