1 KORIN 10:11 - Cho Bible Common Language 2016

¹¹ Ngahmi ung cun ah a kyak gui cu a hei gui ah ng’shümhmuh nak vai ah kyak ci. Mikmi cu kho ah khüt law nak vai ah khin ung mi ghing om ciah kyasei, ami na khäntam nak gui ah shin gui cu ami guk ah kyak ci.

1 KORIN 10:11 Referans Kwoze

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

1 KORIN 9:10

Mikmi ah hmawk ah akcang ah a pyein ah kä kya ne ang? Mikmi ah phäh ah akcang ah guk ah kyak ci nei. Lai thawn ci la geit khäm ciah chang naw ami khäm law vai cu ngaih u ne bik ci gui nei.

PHILIPPIAN 4:5

Nami hniphnoi ng’awi ng’gi nak cu chang avan am hmuh sak vä. Bawipa a kyum law nak vai ng’et law pyi ci nei.

ROMAN 4:23

“Khanpughi naw ani cu chang düng ah k’bäi ne dou ci,” ciah thu cu Abraham ah hmawk bäng ah kä kyak ci;

HEBRU 10:25

Mi ng’hmuhteng kyumbom nak cu chang m’shah gui ah mäih ah kä mi nawng nüt ten neh, tumat la tumat k’thamah nak ming pe tuk khai, nami hmat ah mäih ah Bawipa ah Hnüüp phi ng’et law pi ci kia sei, tha ng’pe tu ne mi om khai nei.

HEBRU 10:37

Cacim theing ung; “Kä shou pha sei kium lawk khai ah Bawipa cu lawk khai nei; Ani cu kä shokshü khai nei.

1 KORIN 7:29

Phäinau gui aw, kei naw ka pyein hlü cu; akhin kä om ba ci, Tuhbäi ung tün ne chumah ciah pami gui cu kä chumah ciah mäih ah om u sä.

SAM 102:18

Bawipa ah bi lawh gui cu hta ng’shon gui ah hmawk ah gu ne gim vai, cun ung tuhbäi kä ng’tüi phak ciah chang gui naw phi m’taam tuk khai gui.

EZEKIEL 5:15

“Kei naw m’lungshe nei, m’lung sou sei, ka ning m’kyuk gui ung, name vein gung changpakhui gui ami van cu kyik khai gui nei. Ngami naw shemshai ne ning teng u ne, ning zü isha khai gui.

MATTHE 13:39

Khumghaw m’shi cu khoshe ah chang gui ah kyak ci. Geit khäm khin cu kho ah khüt nak vai ah khin ah kyak ci. Geit khäm ciah chang gui cu khankho chang gui ah kyak ci.

MATTHE 13:40

Khu m’ghaw gui cu aat ne k’bum ne mei ung m’khih ah mäih ah, kho a khüt hnüüp ung khoshe ah chang gui cu mei awn m’khih ne m’di nak gui om khai nei.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

1 KORIN 10:6

Shin ah m’tumtäng nak cu mikmi ah phäh ah kya ci, cun ah kia sei, ngami ah bi ah mäih ah akshekha gui cu kä mi ng’yak hlü en vai;

KALATIAN 4:24

Shin cu m’tumtäng nak ah kyak ci: hnumi hnih cu thukhän hnih ah kyak ci. Hnumi tumat cu Hakar ah kya ne, ani ah hta gui cu khlei htein ah kyak ci gui, ani naw Sinai Khomhtung ah Thukhän cu dang sak ci.

ATÜNNAK 19:35

A cun ah mü ung ani pa cu awktat khai ah tu ni neta, a hta hnumi a hmaw ba awn ng’yaw ne ip ci goi. Ani pa cu ana ah awktat ci kiane a i kä shüm ba ci.