1 KORIN 10:10 - Cho Bible Common Language 2016

¹⁰ Mikmi cu chang amshah gui ah mäih ah kämi ng’nakso tuk khai, ngami cu Sihnak ah khanchang naw m’di gui yawp ci.

1 KORIN 10:10 Referans Kwoze

KHEI NAK 16:41

A Ngawi ung chang bum avan naw Moses la Aaron ung chiu m’da ne ami pyen cu, “Nang mi naw Bawipa ah chang amshah cu nami ngawn ci.”

KHEI NAK 14:2

Ngami naw Moses la Aaron cu hnungtuk püi u ne chiu m’da ne ami pyen cu, “Egypt khaw ah kä cun ung, shin ah bung ung sih cu bä tuba khai nei.

1 SHONTÄP NAK 21:15

Cun kawn ah ani naw Jerusalem m’di khai ah khanchang tumat tüi lawk ci, cun ung phi ani naw amlung m’thawng neta, khanchang a pyen nak cu, “Ng’düm ä! Acän bäng ah nei!” Khanchang cu Jebusit chang Araunah ah htang-hlang ung ng’düi ci.

PHILIPPIAN 2:14

Nami bi vai om ci phung cu kä ng’sutsi kä ng’cuhcan ne nami bi vai nei.

2 SAMUEL 24:16

Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

SAM 106:25

Ngami cu ami phung kyong ah om u ne, kä yei u ne, Bawipa cu kä ngai ci gui.

PHYAWN NAK 12:23

Bawipa naw Egypt gui ngawn gui khai ah Egypt khaw ah a law ung, m’kawt ung la m’kawt khan ung nami hluk ah si cu ani naw hmuk khai, cun ung ani naw sih nak ah khanchang cu nami im ung kä luh law sak khai, kä ning ngawn gui khai.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

PHYAWN NAK 15:24

Chang gui naw ng’thu m’da u ne Moses ah ma ah, “A i mi awk khai ang?” cik ci gui.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

THU PHLAAN 16:1

Cun kawn ah pum im ah kyong ungka naw khankho chang pachih-am “Khanpughi ah m’lungshe nak be ciah eikbei chih cu khomdek khan ah yuk hukä cine ng’hawh ne a pyein cu ka ng’yak ci.

HEBRU 11:28

Ani naw phiawn nak ah pawi bi ne, m’kawt gui si awn ak peh sak gui cu a yum nak awn ah kyak ci, cun ah kyasei Israel chang gui ah ami hta htük gui cu, sih nak ah Khanchang naw kä ngawn gui ci.

KHEI NAK 16:11

Nangmi naw Aaron hnungtuk püi ne chiu nami m’da cu akcang ah Bawipa nami hnungtuk püi ciah kyak ci. Cun ah kyasei nang la na hnu läk ci gui cu nami küknet ciah kyak ci.”

KHEI NAK 17:5

Cun kawn ah kei naw ka ghü ah chang ah ng’shopawng cu lim lawk khai. Israel gui naw ng’thu m’da ne ami ning hnungtuk püi nak cu kei naw a shikcha ka düm sak khai.”

KHEI NAK 17:10

Bawipa naw Moses cu pyen nak ci, “Aaron ah shopang cu Thukhän M’küm ah ma ah tha ba ä. Cun cu Israel gui naw thu ami m’da nak kä ami düm ah a kyak ung, sik khai gui ciah Israel gui ah hnungtuk küknet nak k’bäi nak gui ah acun ung tha vai ah kyak ci.”