1 KORIN 10:1 - Cho Bible Common Language 2016

¹ Phäinau gui aw, Moses ng’vaipi ciah mi pupa gui ung dang ciah a mawng gui cu ka ning shüm ba sak gui hlük ci. Ngami cu khawmei naw kphiawn nak gui ah ka ung, Tuisen Tuinu cu ghing phyawng ne kat law ba ci gui.

1 KORIN 10:1 Referans Kwoze

PHYAWN NAK 14:29

Cun ung phi Israel gui cu m’dek hu ung hteit ne tuinu kaan ci gui, vang ah vei ah tui k’paang om ci.

SAM 105:39

Khanpughi naw a chang gui ah khan ah ng’mei ng’von sak ne, mü ah dei gui khai ah mei pe gui ci.

HEBRU 11:29

Israel chang gui naw tuisen tuinu, kho kawng ah hteh ah mäih ah ami kah cu yum nak awn ah kyak ci. Cun ung phi Egypt chang gui naw, ami ak kah vü tu sangung ngami cu tuinu naw hteh gui yawp ci.

1 KORIN 14:38

Cun ah kä a yum ngak ung ani cu a i ah kä nami tä en vai nei.

SAM 78:53

Ani naw phyawn püi gui sei ngami cu kä kyikyawk ci gui; cun ung phi ami gaa gui cu tuinu naw hteh gui ci.

SAM 66:6

Ani naw tuinu cu khaw kawng ah ng’lat sak sei, mi pupa gui naw tuinu cu khan ne hteit ci gui. Ani ah bi ah hmawk ah keimi kami yei ci.

NEHEMIAH 9:19

Na chimgein nak cu dämduh ci kyasei, khaw ng’gau khaw ung nang naw kä na nawng shüt gui ci. Mü la hnüüp ung lam shüm gui ciah ng’mei la khongmei cu nang naw kä na nawt heng ci.

JOSHUA 4:23

Nang mi naw kä nami kah yawp pha ah chuih, Bawipa nami Khanpughi naw, nami hmawk ah Jordan tui a hu sak ah mawng, cu nami m’thein gui vai nei, cun cu mikmi ah hmawk ah tuisen tuinu a hu sak ah mäih ah kyak ci nei.

THULÄÄN NAK 1:33

Ani cu angtäi sei nami ma ung hteit ne, nangmi hmawk ah shaum pigaw nami co nak vai ana shui ci. Lam ning m’shüm gui khai ah khawmü ah mei däi ah kya ne, khaw hnüüp ung mei von ah kya ne nami ma ung hteit ci.

KHEI NAK 33:8

Pi Hahiroth ungka naw Tuisen Tuinu kan u ne, Shura bung nu ung gawk ci gui: hnüüp thum ami hteh kawn ah Marath ung shaum pigaw co ba ci gui.

KHEI NAK 14:14

Ngami naw shin ah khaw ung om ciah chang gui am, m’thein khai gui nei. Shin ah chang gui naw nang Bawipa naw a täng ah na na om püi gui ah mawng cu, ng’ya pyi ci gui nei, na khongmei kami khan ah ang düm yah ung ng’htei sei na na hmu gui ci, khaw hnüüp ah khongmei von awn, khawmü ah meidäi awn lam na na m’shüm gui ci.

PHYAWN NAK 40:34

Cun kawn ah khongmei naw Phung cu küm khäta, Bawipa ah om nak ung ng’shü ciah akdei cu be ci.

1 KORIN 12:1

Tuhbäi ca guh ne nami na ng’shi ah Mumcha Theing ah m’cümhnah nak ah mawng, ka ning m’thein gui khai. Phäinau gui aw, cun ah a mawng cu akcang ah nami hmat vai ah ka ng’ya hlük ci nei.

ROMAN 4:11

Cun ah Abraham cu Khanpughi naw k’bäi ne a dou kawn ah vun-ah nak cu bik ci. Cun ah vun-ah nak abi ah mawng cu, Khanpughi naw Abraham ah yum nak cu hmu netah, vun-ah nak kä abi pha ung, chang düng ah k’bäi ne a dou cu saksi ah ng’dang khai ah am hnüt nak ah kyak ci. Cun ah kya sei Abraham cu vun-ah nak kä abi ung phi, Khanpughi a yum nak awn, chang düng ah k’bäi ne dou nak gah ci gui ah Pa ah kya lawk ci.

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

ROMAN 11:21

Khanpughi naw ami nupuk ah ang ban gui ah kyak ciah Jew chang gui hngaw kä am düm gui ung, nang mi läi kä ning m’düm gui khai nei.

JOHAN 4:20

Keimi Samaritan chang gui naw, shin ah m’htung ung Khanpughi kami khawihnah ci, nangmi Jew chang gui naw, Jerusalem ah Khanpughi nami khawihnah ci” cine pyen nak ci.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.