1 KORIN 1:6 - Cho Bible Common Language 2016

⁶ Keimi naw kami pyeinsak ah Bawi Khrit ah mawng cu nami m’lung kyong ung phung ghing ne khäng pym ci.

1 KORIN 1:6 Referans Kwoze

THU PHLAAN 1:2

Johan naw Khanpughi ah ng’thu la Jesuh Khrit ah m’dang ah düng nak cu a hmuh ah mäih bä bä ah a guk ba ah kyak ci.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

1 TIMOTHI 2:6

Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

2 KORIN 12:12

Kei cu ang düihpüi ah ka kyak ah mawng cu, cäi aih gui vai la cäicat gui vai awn, hniim gei nak awn ka ning m’dang gui ci.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

2 THESSALONIAN 1:10

Cun gui cu ak chang gui ah m’hlüngtai nak la yum ciah chang gui ah m’tamkhah nak gah khai ah a kyum law nak ah kho Hnüüp ung ah kiak khai. Nangmi cun phi keimi ah ning m’thein gui ah ng’thu nami yum ci kyasei, cun ah Hnüüp ung Bawipa cu nami m’hlüngtai m’tamkhah tuk khai.

KALATIAN 3:5

Khanpughi naw Mumcha ning yuk m’kyum gui ne, cäi aih gui vai a ning hmuh sak gui cu, thukhän nami läk nak awn ang? Thu Ni ngai ne nami yum nak awn ang?

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

LAMKTU 22:18

Cun ah ka mik hmuh nak ung Bawipa cu dang law netah, “Ang ghit ah kä shou shü ne Jerusalem ungka a hei ah na hteh vai, shin ung om ciah chang gui naw, kei ah mawng na saksi cu kä dou khai gui nei” cine pyein ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 18:5

Macedonia ah kaa Silas la Timothi ani law ba kawn ah Paul cu thu Ni bäng k’tha nah ne pyein ne, Bawipa Jesuh cu Messiah ah a kyak ah mawng Judah chang gui am ak ni ah m’thein gui ci.

MAKUH 16:20

Ang düihpüi gui cu kho nüng ah hteit ne Thu Ni cu pyein ci gui. Ngami cu Bawipa naw a täng ah om püi gui ne, ami ng’thu pyein ang düng ah mawng saksi dang khai ah cäi aih nak gui vai ami m’dang nak hning vai ah hlüngtai nak cu pe gui ci.] [

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

THU PHLAAN 6:9

Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

LAMKTU 11:21

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.

LAMKTU 11:17

Khanpughi naw Bawipa Jesuh Khrit mi yum ci gui am m’gein nak ana peit gui ah mäih ah akhui hei gui am phi a peit gui cu dang ci nei. Cun ah kyasei kei cu a i ah kya ne phi Khanpughi cu kä ka maa na hlawt khai” cine pyein ci.