1 KORIN 1:5 - Cho Bible Common Language 2016

⁵ Nang mi cu Bawi Khrit ung nami kawng ät nak awn, thu m’gawng thei nak la hmuhmat nak mah mah ah bühmang nak cu nami gah ci.

1 KORIN 1:5 Referans Kwoze

2 KORIN 9:11

Nangmi naw angtäi sei nami ng’khailang nak vai ah Khanpughi naw ak phlüt sei bühmang nak ning pe gui khai nei. Nangmi ah peittaak nak keimi ah kut ung gah ci gui naw Khanpughi cu m’hlüngtai khai gui nei.

2 KORIN 8:7

Nangmi cu yum nak, thu thei nak, hmuhmat nak, m’hteihtang hlü nak la keimi nami nam hni nak gui ung, nami bühmang ciah kyasei shin ah m’hni nak ah bi bi nak ung khailang peittaak nak phi m’dang vä.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

PHILIPPIAN 1:9

Kümbe ciah m’khoichaa nak la ng’düng ciah hmuhmat nak awn atäng ah nami yumhni nak cu ang ghotai law pi pi vai ah kei ka taigü ci nei.

ROMAN 15:14

Phäi nau gui aw, nang mi cu ni kyom nak awn be ne, hmuhmat nak phi küm sei, tumat la tumat m’theithang nak hning phi a om ah phäh ah ning ngaih gep gui ne ka yeikyai ci.

JAMES 3:13

Nangmi ungka cüivai ne hmuhmat ciah chang tumatmat a om ah a kyak ung, akni ah aghin nak la akni ah a om ih nak cu m’lung neim nak la Lulang nak awn dang sak sä.

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

EPHESIAN 6:19

Kei thu ka pyein yah ung Khanpughi naw thu m’gawng thei nak ana peit vai ah nami na taigü peit vai nei. Cun ung kei naw Thu Ni ah a thuuk nak ah mawng cu dang ne ng’hmat khai ah ka pyein thei khai nei.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

1 KORIN 12:8

Mumcha Bawi naw chang tumat am kümbe ciah cüivai nak awn pyeinsak nak cu pek ci, acun ah Mumchabawi bä naw, a hei chang tumat am kümbe ci hmuhmat nak awn thuuk ne ng’kau ci pyeinsak nak thei cu pek ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

EPHESIAN 2:7

Cun ah a bi ah mawng cu, mikmi-am am hni nak cu Bawi Khrit awn am dang nak ung, ani ah am gein nak a i hlawk ah adäm ah mawng cu, ngawi yä chang gui naw ami hmat vai ah hmawk ah kyak ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

1 KORIN 14:26

Cun ah kyasei phäinau gui aw, nangmi cu khawihnah vai ah nami pum law ah a kyak ung, tumat naw ng’äi m’cu sei, tumat naw m’theithang sei, tumat naw Khanpughi ah ng’thu thuuk pyein sei, tumat naw ng’thu a hlü hlü awn ng’thu pyein sei, a hei tumat naw cun ah ng’thu m’hlan ba sei, nami bi vai. Cun ah nami bi nak phung cu Khrithabum ah bä nak ah kya sä bäi.

1 KORIN 13:8

M’Hni nak cu langtäi ci. Kümbe ciah thu thei nak, küikyang ciah thu a hlü hlü pyein nak, thuuk ciah hmuhmat nak gui cu maih yawp khai nei.

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

1 KORIN 8:11

Cun ah kya sei ak thagui ken ciah na phäinau ah hmawk ah Bawi Jesuh si pyi ciah a kyak pang ung phi, nang ah “hmuhmat” nak awn ani cu dimaih ciah kyak ci.

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

ROMAN 11:12

Jew chang gui ah shetkat nak naw, m’dek ah khanchang van am, bühmang ciah hrilham cu gah sak ci, Ngami ah mümcha ghawipai nak naw, chang khui hei gui am bühmang ciah hrilham cu gah sak gui ci. Cun ah kya sei Jew chang gui ami van Bawi Khrit ung ami ng’khäm law hnüüp ung, ngah mi naw hlüngtai pi ciah hrilham cu gah khai gui nei.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.