1 KORIN 1:21 - Cho Bible Common Language 2016

²¹ Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

1 KORIN 1:21 Referans Kwoze

LUKA 10:21

Cun yah ung Bawipa Jesuh cu Mumcha Theing awn yeikyai nak gah netah, “Khankho la khomdek ah Pa Khanpughi, hmuhmat tatlah ci gui ah ma ah, nam yih cu kä hmuhmat ci gui ah ma ah ng’dang sei ka ning m’hlüngtai ci. Aw Kapacun cu na mät ah ng’yak hlü ah kyak ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

1 KORIN 1:24

Cun ung phi Jew chang phi bäi, khui hei chang phi bäi, Khanpughi naw a khüpi ah chang phung ah hmawk ah Bawi Khrih cu Khanpughi ah hlüngtai nak la k’cüikhai nak ah kyak ci.

DANIEL 2:20

“Khanpughi cu “Cüivai ci, huham mah ci nei! Khong län ung ani cu m’hlüngtai vä.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

JOHAN 12:31

Shin ah khomdek cu tuhbäi m’khawichaa nak gah pyi ci nei, khomdek khan uk ci cun phi tuhbäi htin lawk khai nei.

1 KORIN 1:18

Kutlam tung ung Bawi Khrih ah sih nak ah mawng cu, dimaih khai ah chang gui ah hmawk ah akholä ah a kyak ung phi, hun nak gah ci gui ah mikmi ah hmawk ah, Khanpughi ah hlüngtai nak ah kyak ci.

1 KORIN 1:23

Keimi läi cu kutlam tung ung ami ngawn ah Bawi Khrih ah mawng ng’shäu ne kami pyein ci. Cun cu Jew chang gui ah kä ng’ak hlü, clang khum hei gum ah hmawk ah akholä ah kyak ci.

1 KORIN 1:25

Khanpughi ah shuhghawi nak ah ngaih cu hnicim chang ah hmuhmat nak ah tah bä pi ci, Khanpughi ah k’tha m’yu nak ah ngaih cu, hnicim chang ah k’thamah nak katah bä pi ci.

1 KORIN 1:27

Cun ung phi Khanpughi nawhmuhmat ciah chang gui ah ng’aa nak vai ah chang k’shekha gui cu ghü gui ci; Thamah ciah chang gui ah lü nak vai ah ak tha m’yu gui cu ghü gui ci.

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

1 KORIN 4:10

Keimi cu Bawi Khrih ah hmawk ah changshe ah kami kyak ci, Cun ung phi nangmi cu Bawi Khrih ung nami kawng ät nak awn cüivai ciah nami kyak ci! Keimi cu kami k’tha ken ci, nangmi cu nami k’thamah ci; Keimi cu chang naw na päipih gui ci, nangmi cu chang naw ning chang m’sui gui ci!

1 KORIN 6:2

Khanpughi ah chang gui naw khomdek khan m’khoichak khai gui cicu kä nami hmat ci maa! Khomdek khan m’khoichak khai ah nangmi cu, amawngma apihta hngaw kä nami ng’thumcha hlawt ci maa!

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

KALATIAN 1:15

Cun ung phi kei kä ka ng’tüi pha ge ung Khanpughi naw am gein nak awn na ghü ne, a khuut bi vai ah ana khü ah kyak ci.

KALATIAN 4:8

Nangmi cu Khanpughi kä nami hmat pha ung, Khanpughi ah ng’hlawk ci gui ah khlei htein ah nami kya man ci.

EPHESIAN 1:9

Khanpughi naw acüivai nak la alulang nak awn, ang bü nak cu dang khai ah bi bik ci. Bawi Khrit ung akümbe sak ah thuuk ne ng’kau ciah a mawng gui cu mikmi am na hmat sak gui ci.

KOLOSE 1:19

Cun cu amät Khanpughi ah m’hnütbäi ah kyasei, amät Khanpughi ah kümbe ciah a müi cu A Htapa ung om ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

JAMES 5:15

Cun ah yum nak awn taigü nak naw ak gaw cu gai sak khai nei, Bawipa naw gaigawng nak cu yuk pe ne, a cheishoh nak gui phi m’geinsei khai nei.

JAMES 5:20

Cun ah cheishoh ciah chang lam a hma nak ungka khü ne law püi ba ciah chang cu, cheishoh ciah chang ah mumcha sik nak ung kaa phiawn sak ne, a cheishoh nak gui phung m’geinsei nak a gah vai ah m’hteihtang ciah kyak ci, ci cu nami hmat vai nei.