1 KORIN 1:18 - Cho Bible Common Language 2016

¹⁸ Kutlam tung ung Bawi Khrih ah sih nak ah mawng cu, dimaih khai ah chang gui ah hmawk ah akholä ah a kyak ung phi, hun nak gah ci gui ah mikmi ah hmawk ah, Khanpughi ah hlüngtai nak ah kyak ci.

1 KORIN 1:18 Referans Kwoze

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

2 THESSALONIAN 2:10

Di maih khai gui ah khan ah shetkat nak a hlü hlü cu bik khai. Cun ah chang gui cu di maih khai gui, a i ah kyasei ci ung ngami naw hun phiawn nak ah cacim cu kä m’hni u ne kä ami dou ah hmawk ah kyak ci.

2 KORIN 4:3

Keimi ah pyein, ah Thu Ni cu ang yih ah a kyak ung chükmaih ci gui ah hmawk ah ng’yih ciah kyak khai.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

1 KORIN 2:2

Nangmi awn a täng ah ka om yah ung kei cu Bawi Zesuh Khrih ah mawng la kutlam tung ung a sih ah mawng ah kawn ah a i phi avan m’hnih ne nawng shüt vai ah ka k’bäi pyi ci nei.

LAMKTU 13:41

A i, i ah kä tä ciah chang gui, teng shüm vä! Tuk ngawi kei naw ka bi lawh gui vai cu, Chang naw tän ne a ning m’thein tu gui ung phi, Kä nami yum ah täng khai, Cun ah kyasei nang mi cu cäicat ne si vä” ciah om cicu nami khan ah kä gawk law hlawt khai ah nami geing nak vai nei” cine m’thein gui ci.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

1 KORIN 15:2

Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LAMKTU 2:47

Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.

1 KORIN 4:10

Keimi cu Bawi Khrih ah hmawk ah changshe ah kami kyak ci, Cun ung phi nangmi cu Bawi Khrih ung nami kawng ät nak awn cüivai ciah nami kyak ci! Keimi cu kami k’tha ken ci, nangmi cu nami k’thamah ci; Keimi cu chang naw na päipih gui ci, nangmi cu chang naw ning chang m’sui gui ci!

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.