1 KORIN 1:13 - Cho Bible Common Language 2016

¹³ Bawi Khrit cu a phäh phäh ah ng’pyeekpai ne ang! Nangmi ah hmawk ah kutlam tung khan ah sik cicu Paul ah kya ne-ang? Nangmi cu Paul ah ming awn tui nami ng’hniim ne-ang?

1 KORIN 1:13 Referans Kwoze

EPHESIAN 4:5

Bawipa tumat, yumnak tumat, tui hnim nak tumat;

2 KORIN 11:4

Chang tumat cu nangmi ah law ne, keimi ah kä pyein man ah, a hei Jesuh ah mawng a pyein law ung, nangmi naw yei ne nami na dou ci; Keimi naw kami pyein ah Thu Ni la keimi ung nami gah ah Mumcha awn api ah phi kä täng ciah thu ni la mümcha cu nami dou ci!

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

1 KORIN 10:2

Ngahmi cu khawmei la tuinu ung Moses ah chang ah ami kyak nak ah tui-hniim ci gui.

LAMKTU 19:5

Cun ah thu cu ngai ya u netah ngami cu Bawipa Jesuh ah ming ung tui hnim ci gui.

LAMKTU 10:48

Cun kawn ah Peter naw ngah mi cu Bawipa Jesuh Khrit ah ming ung tui ami hnim vai ah khän gui ci. Ngami naw Peter cu a om tu shäng cang vai ah chokai ci gui.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 KORIN 1:15

Cun ah kyasei nangmi cu kei ah ming ung tui nami hniim ciah a u naw kä pyein hlawt khai.

ROMAN 14:9

A i ah kya sei ci ung Bawi Khrit cu, ghing ci la sik ci gui ah Bawipa ah a kyak nak vai ah sih nak ungka a thawh ba pyi ah hmawk ah kyak ci.

LAMKTU 8:16

A i ah kiah sei ci ung cu hnüüp ung khüt sei, Mumcha Theing cu a u ah khan ah phi kä kyum law phak ciah kyak ci. Ngami cu Bawipa Jesuh ah ming awn tui bäng hnim phak ci gui ah kyak ci.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.