1 KORIN 1:10 - Cho Bible Common Language 2016

¹⁰ Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

1 KORIN 1:10 Referans Kwoze

1 KORIN 12:25

Cun ah kyasei pumsa tumat ung hngi hnga nak kä om ci, ang phyeekpai gui a van cu ng’gui ng’phaa yawp ci gui.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

SAM 133:1

Khanpughi ah chang gui m’lung ngaih ät sei atäng ah om cu, cäicat aih vai, yeikyai aih vai kyak ci nei!

1 KORIN 11:18

Ak htük bäih ah ng’bum ne nami pum nak ung nami m’lung ngaih hnu ng’tuk ne ang pai ah mawng cu ka ning hmat gui ci.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

1 KORIN 4:16

Cun ah kya sei kei cu nami na thei tu vai ah ka ning m’cäi gui ci.

LAMKTU 4:32

Yum ciah chang gui cu ami m’lung ngaih kawng ät u neh, a u naw phi amät ah khawh cham cu aka ah käm tung sei, ami khawh cham avan cu ami ka ghawm ah ngai ci gui.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

1 THESSALONIAN 5:13

Ami khut bi ah hmawk ah ak hlüngtai säih ah m’hni nak la chang m’sui nak awn nami m’tamkhah gui vai nei. Nami mät ah kyong ungphi ding gei nak om sä.

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

JOHAN 10:19

Cun ah a ng’thu ah phäh ah chang gui ami ngaih ng’pai ba mä ci.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

PHILIPPIAN 3:16

A i ah a kyak ung phi, mikmi naw tuhbäi ung khüt khai ah ng’cäi nak mi läk ah mäih ah mi läk lä khai nei.

2 KORIN 10:1

Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,

JOHAN 7:43

Cun ah kyasei Bawipa Jesuh ah mawng pyein ne chang gui ami ngaih ng’pai yawp ci.

MAKUH 2:21

“A u naw phi sui akheei teek ci cu, tahsa akthai awn kä k’dawn man ci. Cun ah dawn ung sui kheei cu yün ne teek na pi ci.

MATTHE 9:16

A u naw phi sui ak kheei cu sui akthai awn kä k’dawm man ci nei. K’dawm ah a kyak ung akthai naw kaih sei ak kheei cu teek law pi ci.

1 TIMOTHI 5:21

Khanpughi ah ma, Bawi Khrit Jesuh ah ma la Theingcim ciah khankho chang gui ah ma ah, kei naw thukhän ka ning peik cu, nang naw shin ah m’cäi nak gui cu läk netah ng’daut ne a i kä nam khoichaa düt en vai, chang ah hmai teng ne a i kä na bi vai.

2 THESSALONIAN 2:1

Bawipa Jesuh Khrit a kyum law ah mawng la ani awn a täng ah om vai ah mi bum law ah mawng cu ka ning m’thein gui ci nei, Phäi nau gui aw.

KALATIAN 4:12

Phäi nau gui aw, kei ah mäih ah nami kyak tu vai ah ka ning m’cäi gui ci nei. Kei cu nangmi ah mäih ka lawk ci nei. Nangmi naw kei ah khan ah nami katnak kä om hnga ci.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

ROMAN 15:30

Phäi nau gui aw, Bawipa Jesuh Khrit mi yum nak la, Mumcha Theing ah na peit gui ah yumhni nak awn; kei ah hmawk ah kei awn atäng ah Khanpughi ah nami taigü tu vai ah ka ning khü gui ci nei.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

1 KORIN 1:11

Phäinau gui aw, nangmi nami ng’gen tu ah mawng cu Chloe ah kyongkhui chang gui naw nam thein u sei ka ng’yak ci nei.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

2 KORIN 13:9

Keimi kami k’tha ken ne, nangmi nami k’tha a ghaat ung, kei mi kami yei ci nei. Cun ah kyasei nang mi kümbe ciah chang ah nami kyak law vai ah phi kami k’taigü ci nei.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

JOSHUA 22:15

Ngami cu Kilead khaw Reuben, Kad la Akyang täng Manaseeh chang gui ah law u neta,

MAKUH 3:24

Chang gui ami m’lung ngaih ng’pai sei ami küüt-neet nak ah kho cu a hei hei ah ng’pai yawp khai nei.