1 KORIN 1:1 - Cho Bible Common Language 2016

¹ Khanpughi ah ang yak hlü ah khü ne, Bawi Khrit Jesuh ah ang düihpüi ah am düih ah kei Paul la mi nau Sosthenes naw:

1 KORIN 1:1 Referans Kwoze

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

EPHESIAN 1:1

Khanpughi ah ang yak hlü ah Bawi Jesuh Khrit ah ang düihpüi ah kyak ciah kei Paul naw, Ephesus gawnu ung Khanpughi ah chang gui, bekhüt ciah khritha gui-am ca ning peit law gui nei.

2 KORIN 1:1

Khanpughi ah ang yak hlü ah Bawi Khrih Jesuh ah ang düihpüi Paul la anau Timothi naw — Korin ung Khanpughi ah Khrithabum la Achaia kho Khanpughi ah chang gui a van am ca pe lawk ci goi nei.

KOLOSE 1:1

Paul, Khanpughi ah ang yak hlü ah Bawi Khrit naw ang düihpüi la mi nau Timothi naw —

LAMKTU 18:17

Ngami naw pum im uk ciah Sosthenes cu pha u netah yung düma ah tuthat ci gui. Cun ung phi Kallio naw i ah kä sui gui ci.

2 TIMOTHI 1:1

Kei Paul, Khanpughi ah yak hlü ah Bawi Khrit Jesuh ah ang düihpüi ah kya ne, Bawi Khrit Jesuh ung kawng ät nak awn, mi gah vai ah shaitaak om ciah ghin nak ah mawng, ka ng’shäu ci naw —

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

KALATIAN 1:1

Chang ungka lawk ci la chang ah m’düih ah kä kyak ciah, Jeyuh Khrit la ani sih nak ungka thawh ba sak ciah Apa Khanpughi ah m’düih, ang düihpüi kei Paul La;

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

2 KORIN 12:12

Kei cu ang düihpüi ah ka kyak ah mawng cu, cäi aih gui vai la cäicat gui vai awn, hniim gei nak awn ka ning m’dang gui ci.

2 KORIN 11:5

Kei cu nangmi naw ak tung ah, angdüihpüi ah nami khü ah chang gui ah mä kä ka ng’neim pi khai nei!

1 KORIN 15:9

Kei cu ang düihpüi gui ung ak chui pi k’bäih ah ka kyak ci — Khanpughi ah Khrithabum kak dukdeiu nak ci kya sei, ang düihpüi ah khü vai ah phi kä ka khin ci.

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

ROMAN 1:5

Khanpughi naw ani ung ang düihpüi ah kyak nak vai ah akhin k’ni cu na pe ne, kho avan ung, chang avan naw Khanpughi cu yum ne ami läk vai ah kei cu m’düih ne na tüi ci.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

LUKA 6:13

Khaw thai law khätah ak chang gui ami van khü gui netah, ami van ungka gha-lei-goi ghü gui ne, ang düihpüi gui ah, ami ming cu sui gui ci.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

ROMAN 1:10

Kei naw ka taigü khin päng ung ka ning shüm gui cu Khanpughi naw hmat ci. Khanpughi naw ang yak hlü a om ung kä shou pha sei nang mi ah om nak ah ka gawk law vai ah ka taigü ci nei.

2 KORIN 8:5

Ngami naw keimi ah ngaih yatah däm pi khai ah pe hning ci gui. Ak htük bäih ah ngami cu Bawipa ung ng’ap ci gui, cun kawn ah khanpughi ah ng’yak hlü ah keimi ung ng’ap ci gui.