1 JOHAN 5:18 - Cho Bible Common Language 2016

¹⁸ Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

1 JOHAN 5:18 Referans Kwoze

1 JOHAN 3:9

Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.

1 JOHAN 5:4

A i ah kyasei ci ung Khanpughi ah hta phung cun naw khomdek khan cu m’khüt näng ci. M’dek khan ung m’khüt näng nak mi gah cu mi yum nak awn ah kyak ci.

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

JOHAN 15:9

Kapa naw kei a nam hni ah mäih ah kei naw ka ning m’hni gui ci. Kei ah kam hni ah om vä.

SAM 119:101

Na ng’thu ka läk hlü ah hmawk ah akshe phung avan cu ka hlawi ci nei.

SAM 18:23

Kei ung hma nak kä om ciah ani naw hmat ci, cun ah kyasei cheishoh nak kä om ciah ani naw hmat ci, cun ah kyasei cheishoh nak kä om khai ah ka m’htei ci.

SAM 17:4

Kei cu chang hei gui ah mäih ah akshe ah kä ka thu ci; kei naw na thumkhän cu ka ngai ci, kä chang man ah lam cu kä ka läk ci.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

1 JOHAN 4:6

Cun ung phi mikmi läi cu Khanpughi ah chang ah mi kyak ci, Khanpughi hmat ciah chang naw mi ng’thu ngai ci, Khanpughi ah chang ah kä kyak ci naw mikmi ah thu cu kä ngai ci. Cun ah kia sei mikmi naw Mumcha thucim la mümcha she ah bilawh nak cu mi m’khoichaa thei ci.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

SAM 39:1

Kei naw, “Kei naw ka bi phung cu geing na ne ka bik khai nei, ka ng’thu awn phi kä ka cheishoh khai nei; Changshe gui ka pei ah ami om yah ung a i ng’thu phi kä ka pyen khai nei” ka cik ci.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JOHAN 15:4

Kei ung kawng ät ne om vä, kei phi nangmi ung kawng ät ne ka om khai. Ang ban tumat cu ang shun tung kaa apait ung kä m’theih hlawt ci. Acun ah mäih ah nangmi phi kei ung kä nami om ung kä nami m’theih hlawt khai.

JOHAN 14:30

Khomdek khan uk cicu gawk law pyi ci, cun ung phi, ani ung kei anam khüt nak vai a i kä om ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

SAM 119:3

Ngami cu cheishoh nak kä bi phung ci gui; Bawipa ah lam ung hteit ci gui.

MATTHE 5:37

Akcang la kä akcang cu düngnak awn nami pyein vai, cun ah kawn ah nami ng’thu cu khoshe ah ning thu sak gui ah kyak ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 JOHAN 5:15

Mi ng’yoih thäh phung cu Khanpughi naw na ngaih pe gui ci; cun cu düng sei mi hmat ah a kyak ung, mi ng’yoih thäh phung na pe gui ciah phi mi hmat ci.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

TAIGÜTHUM 11:37

Cun gui cu phu geit vai ah geit m’shi ah khan ah a kyak ung geit m’shi cu theing ei ci.