1 JOHAN 5:17 - Cho Bible Common Language 2016

¹⁷ Shetkat nak nüng nüng cu cheishoh nak ah kyak ci, cun ung phi sih nak ah kä gawk nak ah cheishoh nak om ci.

1 JOHAN 5:17 Referans Kwoze

1 JOHAN 3:4

Cheishoh nak cu thukhän m’shet nak ah kyasei, cheishoh ciah chang gui cu Khanpughi ah thukhän m’shet ci gui ah kyak ci.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

JAMES 1:15

Cun ah shekak ciah ng’yak hlü nak cu tüisho law ne cheishoh nak cun phi däm ng’vai law ne, sih nak ah hta lawk ci.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THULÄÄN NAK 5:32

“Israel chang gui, Bawipa nami Khanpughi ah thumkhän nü nami bi vai ah ng’hteicha vä. Ang thumkhän a pihta phi kä läk ne kä nami om vai.