1 JOHAN 5:16 - Cho Bible Common Language 2016

¹⁶ Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

1 JOHAN 5:16 Referans Kwoze

JEREMIAH 11:14

Jeremiah, shin ah chang gui ah ami chaw ah kei ah kä na tai gü en vai, kä na yoih thäh en vai. Ngami cu khüikha nak ung gawk ne, m’htei gui vai ah ami na khü law ah a kyak ung kei naw kä ka ngai gui khai nei.”

1 SAMUEL 2:25

Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

LUKA 12:10

“Chang ah Htapa m’kat ne ng’thu ciah chang ah khan ah kat m’gein nak a om ung phi, Mumcha Theing m’kat ne ng’thu ciah khan ah kat m’gein nak kä om khai nei.

JEREMIAH 14:11

Bawipa naw kei cu na pyen nak ci, “Shin ah chang gui m’htei htang gui vai ah kä na k’thäh en vai.

JEREMIAH 7:16

Bawipa naw pyen ci, “Jeremiah, shin ah chang gui ah phäh ah kä na taigü en vai. Ngami ah hnün ung kä na kyah en vai. Kä na taigü en vai; Kei ah kä na taigü en vai, kei naw kä ka ning ngai khai.

KHEI NAK 15:30

Cun ung phi a u chang phi bü ne katnak abi ah a kyak ung, ani cu ng’leimah Israel chang ah a kyak ung phi, khaw hei chang ah a kyak ung phi, ani cu Bawipa a i ah kä sui ne cheishoh ci kyasei, ani cu sih nak peik vai.

PHYAWN NAK 34:9

Ani naw, “Bawipa, nang naw akcang ah na na yei nak ah a kyak ung, keimi awn a täng ah na hteh vai ah ka ning thäh ci nei. Shin ah chang gui cu m’lung ling ci gui, cung phi kami shet nak la kami katnak cu na m’geinsei gui ä, na mät ah chang ah na dou gui ä” cik ci.

ATÜNNAK 20:17

Abraham ah chu Sarah ah phäh ah Abimelek ah mang im ung hnumi gui avan cu, Bawipa naw kä hta ba sak gui ci. Cun ah kyasei Abraham naw Abimelek ah phäh ah taigü khäta, Khanpughi naw Abimelek ni, akchu ni, a changshäm hnumi gui ni cu gai sak gui sei, ngami cu hta nau ba ci gui.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

SAM 106:23

Khanpughi naw a chang gui cu m’di gui khai ah pyen khäta, a ghü ah ak changshäm Moses naw, ng’düi law ne pyen tu ba sei, Am di nak gui vai ah am lungshe nak cu k’üüp ci.

JOHAN 17:9

“Ngami ah phäh ah kei ka taigü ci, m’dek chang gui ah phäh ah kä kyak ci. Nang naw kei-am na na ap ah chang gui cu, nang ah khäm gui ah kyasei, ngami ah hmawk ah ka taigü ci.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

KHEI NAK 12:13

Cun ah kyasei Moses naw Bawipa ah m’lau ne “O Khanpughi ani gai sak ä” cik ci.

2 TIMOTHI 4:14

Kyeei sheh ciah Alexander naw kei cu ak kaa ah na kyak na tuk ci nei, amät ah bi ah khan ah Khanpughi naw a gah vai cu pek khai nei.

1 SAMUEL 12:19

Cun kawn ah ngami naw Samuel am, “Na bä ni saza, keimi ah phäh ah Bawipa na Khanpughi ah na taigü pe gui vä. Cun ung keimi kä kami shik khai. Keimi naw kami hmat lawk ci, kami hma gui avan ah kawn ah ghangpughang kami thäh nak awn kami hma ba mä ci nei” cik ci gui.

1 JOHAN 5:17

Shetkat nak nüng nüng cu cheishoh nak ah kyak ci, cun ung phi sih nak ah kä gawk nak ah cheishoh nak om ci.