1 JOHAN 5:14 - Cho Bible Common Language 2016

¹⁴ Amät ah ng’yak hlü ah mi ng’yoih thäh phung cu na ngaih pe gui ciah ngaih gep nak om sei, mikmi cu Khanpughi ah ma ah mi k’thamah ci.

1 JOHAN 5:14 Referans Kwoze

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

MATTHE 21:22

Nangmi naw yum nak awn nami yoih ung nami yoih phung cu nami gah khai nei” cine pyein ci.

SAM 34:17

Düng ciah chang gui naw Bawipa cu ami khü ung ngaih pe gui ci; ami khüikha nak avan ung gung gui ci.

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

JOHAN 9:31

Khanpughi naw katnak bik ciah taigü kä ngai ci, Khanpughi kyih-aa ne ang yak hlü ah bik ciah chang ah taigü vah ngaih pek ci.

EPHESIAN 3:12

Mikmi cu Bawi Krih ung mi kawngät nak la ani mi yum nak awn, Khanpughi ah ma ah m’lung üp thamah ne mi gawk pyi ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

SAM 69:33

Bawipa naw dukhaih ci gui ah thu cu ngai ci, thawng ung kium ci gui cu kä m’hnih gui ci.

SAM 31:22

Kei cu ka kyik ci, ama ung ka, nak tääm khai ah ka ngai ci. Cun ung phi anam htei vai ah ka ng’khü yah ung, ka kyah cu ng’yak ci nei.

HEBRU 10:35

Cun ah kyasei khüighaat ne om vä, cun ung m’cümhnah nak ak bä pi nami gah khai.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

JOB 34:28

Ngami naw dukhaih ci gui cu Khanpughi ah ma ah kyah m’lau sak u sei, M’htei gui vai ami ng’khü cu ani naw ng’yak ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

NG'THU K'THUUK~ 10:24

Düng ciah chang naw ang’yak hlü gah ci. Chang shekha naw a kyih pikbäih gah ci.