1 JOHAN 5:1 - Cho Bible Common Language 2016

¹ Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

1 JOHAN 5:1 Referans Kwoze

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

1 JOHAN 5:4

A i ah kyasei ci ung Khanpughi ah hta phung cun naw khomdek khan cu m’khüt näng ci. M’dek khan ung m’khüt näng nak mi gah cu mi yum nak awn ah kyak ci.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

1 JOHAN 3:9

Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

1 JOHAN 2:10

A phäi nau m’hni ciah chang cu akdei ung ghing ciah kyak ci, ani ung chang shetkat nak sak vai a i phi kä om ci.

JOHAN 15:23

Kei na gen ci naw Kapa phi gen ci.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

JOHAN 6:69

Nang cu Khanpughi ungka kyum lawk ciah, khanchang theing ah na kiak cu, tuhbäi hmat ne kami ning yum ci nei” cine pyein ci.

1 JOHAN 3:17

Bämang ciah chang ah kya lang ne, a phäi nau tumat mat geinvai sei hmu netah am lung choh khai ciah chang cun naw, a i hawk chaa ah Khanpughi kam hni ci nei, a ci thei vai ang?

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

JOHAN 1:3

Khanpughi naw Thu awn ang tüi avan tüisho ci.

1 JOHAN 5:5

Khomdek khan cu a u naw m’khüt näng khai ang? Bawi Jesuh cu Khanpughi ah Htapa ah yum ciah chang bäng naw m’dekkhan cu m’khüt näng ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

LUKA 7:5

Ani cu keimi pakhui nam hni gui ne pum im tumat phi na cawh pe gui ci nei” cine ng’coi ng’pa ne pyein ci gui.

LAMKTU 8:37

(Philip naw, “Nang cu nam lung kyawng avan awn Bawipa Jesuh na yum ah a kyak ung tui nang hnim vai” ci neh pyen nak ci. Cun ah bawi naw, “Bawipa Jesuh Khrit cu Khanpughi ah Htapa ah kyak ciah, kei naw ka yum ci nei” cik ci.)