1 JOHAN 4:8 - Cho Bible Common Language 2016

⁸ M’hni nak kä om ciah chang naw Khanpughi cu kä hmat ci, a i ah kiasei ci ung Khanpughi cu hni nak ah kyak ci.

1 JOHAN 4:8 Referans Kwoze

1 JOHAN 4:16

Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

2 KORIN 13:11

Ka phäinau gui aw, gai ne om vä! Kümbe ciah chang ah nami kyak vai ah k’tha nah vä; kei ah ning m’cäi m’ä gui cu ngai ng’yah ne, tumat la tumat kawng ät u ne, dimdeeih nak awn om vä. M’hni nak la dimdeeih nak ah Khanpughi cu, nangmi awn a täng ah om khai nei.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

EPHESIAN 2:4

Cun ung phi Khanpughi ah m’gein nak cu däm aih ne am hni nak cu hlüng aih khä tah,

1 JOHAN 1:5

Tuhbäi keimi naw A Htapa ung hmu ng’ya ne kami ng’shäu ba ah thu cu, “Khanpughi cu akdei ah kyak ci, ani ung hmüp nak api phi kä om ci,” ciah kyak ci.

1 JOHAN 3:6

Cun ah kyasei Bawi Khrit ung kawng ät ne ghing ciah chang cu, cheishoh nak kä bi ba ci, cheishoh nak bi ba cicu ani kä hmuhmat ciah chang ah kyak ci.

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

1 JOHAN 2:4

Khanpughi ka hmat ci nei ci netah ang thukhän kä läk ciah chang cu, hleehlak ciah kyak ci, ani ung düng nak, cang nak ä om ci.

HEBRU 12:29

A i ah kyasei ci ung mikmi ah Khanpughi cu m’khih ne ui ciah mei akcang ah kyak ci nei.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.