Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.
Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.
Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.
Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.
Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.
Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?
Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.
Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.
Cun ah kyasei kam hni ah hnumi, mikmi cu mi van mi ng’yumhni tuk khai nei. Shin ah ca ka guk law shi thukhän thai ah kä kiak ci, ak htük bäih ge ung nangmi ung om ciah thukhän ah kiak ci.