1 JOHAN 4:6 - Cho Bible Common Language 2016

⁶ Cun ung phi mikmi läi cu Khanpughi ah chang ah mi kyak ci, Khanpughi hmat ciah chang naw mi ng’thu ngai ci, Khanpughi ah chang ah kä kyak ci naw mikmi ah thu cu kä ngai ci. Cun ah kia sei mikmi naw Mumcha thucim la mümcha she ah bilawh nak cu mi m’khoichaa thei ci.

1 JOHAN 4:6 Referans Kwoze

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

1 JOHAN 4:8

M’hni nak kä om ciah chang naw Khanpughi cu kä hmat ci, a i ah kiasei ci ung Khanpughi cu hni nak ah kyak ci.

1 TIMOTHI 4:1

Ngawi ah chang amshah gui cu, hleeihlak ciah mümcha ah thu ngai u ne, khoshe ah m’theithang cu läk u ne, ami yum nak cu nawng lawk khai gui nei cine Mumcha naw ang dang ah pyein ci.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

JUDE 1:17

Teihpüi gui aw, Mi Bawipa Jesuh Khrit ah ang düihpüi gui naw ami ning m’thein m’kan gui cu shüm tu ba vä.

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

2 KORIN 10:7

Nangmi naw ak pung müisa vah nami teng ci, Nangmi ungka kei bawi Khrih chang ah ka kyak ci cik ciah chang a u om ne ang? A om ah a kyak ung ani ah mäih ah Keimi phi Bawi Khrih ah chang ah kami kyak ci ci cu, ngaih-tüh ba sä

ROMAN 11:8

Cacim theing ung, “Khanpughi naw cun ah chang gui ah m’lung k’hnga cu aung ang sak gui ci, tuhngawi güt ung ngami cu a i kä hmu ng’ya thei ci gui.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

JOHAN 8:23

Bawipa Jesuh naw, “Nangmi cu shin ah m’dek nami kho nak ci, kei cu khan ah kaa ka lawk ci. Nangmi cu shin ah khomdek chang ah nami kyak ci, kei cu shin ah khomdek chang ah kä ka kyak ci.

JOHAN 10:3

M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

2 SHONTÄP NAK 18:21

Mümcha naw m’shang ne, “Kei hteit ne Ahab ah prophet gui avan hleei ne ka m’thein gui khai” cik ci. Bawipa naw, “Hteit ne m’hleei ä, na näng khai nei” cik ci.