1 JOHAN 4:5 - Cho Bible Common Language 2016

⁵ Hleeihlak ciah profet gui cu khomdek khan ah mawnglam bäng pyeinsak ci gui, khomdek chang gui naw phi ngai ng’yak hlük ci gui, a i ah kyasei ci ung ngami cu khomdek khan ma nak ciah chang ah kyak ci gui.

1 JOHAN 4:5 Referans Kwoze

JOHAN 8:23

Bawipa Jesuh naw, “Nangmi cu shin ah m’dek nami kho nak ci, kei cu khan ah kaa ka lawk ci. Nangmi cu shin ah khomdek chang ah nami kyak ci, kei cu shin ah khomdek chang ah kä ka kyak ci.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

JOHAN 17:16

Kei cu khomdek khan awn kä ka ng’guiphaa ah mäih ah ngami phi kä ng’guiphaa ci gui.

JOHAN 3:31

Khankho ah kaa kyum lawk ci cu, van nüng ah hlüngtai pi ci. Khomdek ungka lawk cicu khomdek chang ah kya ne, m’dek khan ah mawng cu pyein ci. Cun ung phi khankho ah kaa lawk cicu apäng avan ah hlüngtai pi ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

SAM 17:4

Kei cu chang hei gui ah mäih ah akshe ah kä ka thu ci; kei naw na thumkhän cu ka ngai ci, kä chang man ah lam cu kä ka läk ci.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

JEREMIAH 29:8

Kei, Bawipa Israel Khanpughi naw ng’thu ka ning k’bäi gui ci, nami ng’lung ah om ciah prophet gui naw kä ning m’hleei en gui sä, ngawi ah ka vai ng’cängbang thei ciah pyen ci naw phi kä ning m’hleei en gui sä. Ngami ah ng’mang guiphi kä nami yum men vai nei.