1 JOHAN 4:21 - Cho Bible Common Language 2016

²¹ Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

1 JOHAN 4:21 Referans Kwoze

TAIGÜTHUM 19:18

A u chang ah khan ah phi phu kä na tuk vai, käcung kä na thüi nak lä vai. Cun ung phi na paw chang cu na mät na m’hni ah mäih ah na m’hni vai. Kei cu Bawipa nei.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

KALATIAN 5:14

“Na paw chang cu na mät awn m’täng ne nam hni vai,” ciah thukhän läk ci cu, thukhän avan läk ciah kyak ci.

JOHAN 15:12

Kei ah thukhän cu; kei naw ka ning m’hni gui ah mäih ah tumat la tumat nami yumhni tu vai nei.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

LUKA 10:37

Thukhän saya naw, “Ak leim cu m’gein ne m’htei tuk ciah chang ah kyak ci nei” cik ci. Bawipa Jesuh naw, “Nang hteit ba ne ani ah mäih ah na bi vai” cine pyen nak ci.

1 JOHAN 4:11

Teihpüi gui aw, Khanpughi naw cun hlawk ah a nam hni gui ah a kiak ung, mi mät phi mi ng’yum hni tuk khai nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

MATTHE 5:43

‘Nami teihpüi nami m’hni vai, nami gaa nami gen vai,’ ciah thukhän cu nami ng’ya pyii ci.

1 JOHAN 2:7

Teihpüi gui awi, tuhbäi kei naw ka guk law ah thukhän cu ak thai ah kä kyak ci; cau ak htük ge ung nangmi naw nami ng’yak pyi ah thukhän phyim ah kyak ci. Thukhän phyim cu nangmi naw nami ng’yak pyi ah thu ah kyak ci.