1 JOHAN 4:18 - Cho Bible Common Language 2016

¹⁸ M’hni nak ung kyih nak kä om ci, kümbe ciah m’hni nak naw kyih nak avan näng ci. Kyih nak naw m’shetkat nak bik ciah kyasei, kyih nak om ciah chang ung m’hni nak kä kümbe hlawt ci.

1 JOHAN 4:18 Referans Kwoze

2 TIMOTHI 1:7

Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

SAM 73:19

Ngami cu ang ghit ah di ci gui; ang khä ah ng’pyi ci gui nei.

JOB 15:21

Ani naw kyih vai ah k’aw gui cu ak hga awn ng’yak khai, Ngaih gep vai ah om ciah a ngaih yah ung m’guk ei gui naw ani cu tuk khai gui.

MATTHE 9:34

Pharisee gui naw, “Shin ah chang naw, khoshe bawi ah peit ah huham awn, khoshe cu k’täm ci nei,” cine pyein ci gui.