1 JOHAN 4:17 - Cho Bible Common Language 2016

¹⁷ M’hni nak cu mikmi ung kümbe ci kyasei, m’khoichaa nak ah Hnüüp ung mikmi cu k’thamah nak om khai nei. Cun ah a om ah mawng cu, mikmi cu khomdek khan ah mi ghin nak ung Bawi Khrit ah mäih ah mi ghin ah hmawk ah kyak ci.

1 JOHAN 4:17 Referans Kwoze

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

1 JOHAN 2:5

Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

2 PETER 3:7

Cun ung phi khawnmawpi la khomdek cu mei awn kä am di pha ah chuih, Khanpughi ah ng’thu bä awn om lä khai. Khanpughi kä yum ci gui ng’thumcha ne am di gui hnüüp ung ngami cu dimaih khai gui.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

JAMES 2:22

A yum nak la a hnünthawh nak ang cawih cu kä nami hmuhmat ci maa? A hnünthawh nak naw a yum nak cu kümbe sak ci nei.

MATTHE 12:36

Kei naw akcang ka pyein cu, “m’khoichaa nak ah hnüüp ung chang gui cu ami ng’thu m’gawng düt düt ah hmawk ah k’cet ne ng’shi nak om khai.

MATTHE 11:24

M’khoichaa nak ah kho hnüüp ung nang cu, Sodom ah mä däm pi ciah hma m’kat nak cu na gah khai nei,” cine pyein ci.

MATTHE 11:22

Cun ung phi Khanpughi naw am khoichaa law nak ah hnüüp ung, nangmi cu, Tire la Sidon ah mä däm pi ciah, hma m’kat nak cu nami gah khai.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

JOHAN 17:22

Nang la kei cu ni kawng ät ah mäih ah ngami phi ami kawng ät vai ah, nang naw kei-am na na peit ah bämang nak cu ka pe gui pyi ci.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

1 JOHAN 2:6

Kei Khanpughi ung ka ghing ci nei, cik ciah chang cu, Bawi Jesuh Krit ah mäih ah a ghin om vai nei.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.