1 JOHAN 4:15 - Cho Bible Common Language 2016

¹⁵ Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

1 JOHAN 4:15 Referans Kwoze

1 JOHAN 5:5

Khomdek khan cu a u naw m’khüt näng khai ang? Bawi Jesuh cu Khanpughi ah Htapa ah yum ciah chang bäng naw m’dekkhan cu m’khüt näng ci.

ROMAN 10:9

Bawi Jesuh cu Bawipa nei, cine ng’kyaa ne, Ani cu Khanpughi naw sih nak ungka thawh ba sak ci nei, cine nami m’lung ung nami yum ah a kyak ung, nang mi cu hun nak nami gah khai.

MATTHE 10:32

‘Chang gui ah ma ah kei cu ana Bawipa ah pyein ne, m’dang ne ng’kiaa ciah chang cu, kei naw khankho ka Pa ah ma ah, kakchang nei cine m’dang ne ka pyein khai.

1 JOHAN 4:2

Khanpughi ah Mumcha ah a kyak la kä a kyak nami hmat nak vai ah mawng cu; Bawi Jesuh Khrit cu hnicim chang ah ng’tüi ne yu kyum lawk ci, ciah ng’kiaa ne yum ciah chang phung cu, Khanpughi ah Mumcha gah ciah kyak ci.

1 JOHAN 3:24

Khanpughi ah thukhän läk ciah chang cu Khanpughi ung ghing ci, Khanpughi phi ani ung ghing ci. Mikmi awn kawng ät ne Khanpughi a ghin ah mawng cu Khanpughi ah nam shumphyuk gui ah Mumcha awn mi hmat ci.

PHILIPPIAN 2:11

M’khuukdoong ne bawihma u netah, Ak ghing om avan naw, “Zesuh Khrit cu Bawipa nei,” cine ng’shäu u ne, Pa Khanpughi ah bämang nak cu m’dang khai gui.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

LUKA 12:8

“Kei naw akcang ka pyein cu, chang ah maa ah, kei ah chang ah pyein ne, amät ng’kiaa ciah chang cu; khankho chang ah maa ah, Chang ah Htapa naw, amät ah chang ah pyein ne ng’kiaa pek khai.

2 JOHAN 1:7

Bawi Jesuh Khrit cu hnicim chang ah yung tüi lawk ci, cicu kä yum ciah chang thuvi gui akda m’dek khan ah gawk lawk ci gui nei. Cun ah mäih thuvi theileh ciah chang gui cu, Bawi Khrit ah gaa gui ah kyak ci nei.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.

1 JOHAN 2:24

Ak htük bäih ung nami ngaihyak ma ah thu Ni cu, nami m’lung kyong ung khäng khai ah nami shum vai nei. Cun ung Apa la A Htapa ung angtäi sei kawng ät ne nami ghing khai nei.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

LAMKTU 8:37

(Philip naw, “Nang cu nam lung kyawng avan awn Bawipa Jesuh na yum ah a kyak ung tui nang hnim vai” ci neh pyen nak ci. Cun ah bawi naw, “Bawipa Jesuh Khrit cu Khanpughi ah Htapa ah kyak ciah, kei naw ka yum ci nei” cik ci.)