1 JOHAN 4:12 - Cho Bible Common Language 2016

¹² Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

1 JOHAN 4:12 Referans Kwoze

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

1 JOHAN 2:5

Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

1 JOHAN 3:24

Khanpughi ah thukhän läk ciah chang cu Khanpughi ung ghing ci, Khanpughi phi ani ung ghing ci. Mikmi awn kawng ät ne Khanpughi a ghin ah mawng cu Khanpughi ah nam shumphyuk gui ah Mumcha awn mi hmat ci.

PHYAWN NAK 33:20

Kei naw nang am ka hmai kä ka ning hmuh sak khai, a i ah kyasei ci ung a u naw kei kä na hmu hlawt khai, a u phi kä ghing khai,

1 JOHAN 4:6

Cun ung phi mikmi läi cu Khanpughi ah chang ah mi kyak ci, Khanpughi hmat ciah chang naw mi ng’thu ngai ci, Khanpughi ah chang ah kä kyak ci naw mikmi ah thu cu kä ngai ci. Cun ah kia sei mikmi naw Mumcha thucim la mümcha she ah bilawh nak cu mi m’khoichaa thei ci.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

KHEI NAK 12:8

Cun ah kyasei ani cu hmai chum ne ka ng’thu püi ci, ng’htei khai ah kä yivon ne, ani naw ka müi phi na hmuk ci. Ka changshäm Moses cu a i ah nami m’thüikham nak ci ang?

ATÜNNAK 32:30

Jakob naw, “Kei naw Khanpughi cu hmai ng’chum sei ka hmuk ci, tuh güt ka ghing ci” ci neta, cun ah hmun cu Peniela ah a ming sui ci.

HEBRU 11:27

Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

1 KORIN 13:13

Ak tung ah pyein ung yum nak, ngaih u nak, m’hni nak ciah ng’täi ci mawng thum om ci; cun gui ung m’hni nak cu ak hlüngtai pi ah kyak ci.

1 JOHAN 4:16

Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.