1 JOHAN 4:10 - Cho Bible Common Language 2016

¹⁰ M’hni nak cicu mi mi naw Khanpughi mi m’hni nak ah kä kyak ci, Khanpughi naw nam hni gui ne, mi shetkat nak nak phiawn gui khaiah, Ahtapa a yuk m’kyum law cu m’hni nak ah kyak ci.

1 JOHAN 4:10 Referans Kwoze

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

1 JOHAN 5:11

Saksi ah ang dang nak ah mawng cu; Khanpughi naw angtäi ghin nak cu na pe gui ci, cun ah ghin nak cu A Htapa ung phung ci.