1 JOHAN 3:9 - Cho Bible Common Language 2016

⁹ Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.

1 JOHAN 3:9 Referans Kwoze

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

1 PETER 1:23

Nangmi cu ghing ci la angtäi om ciah Khanpughi ah ang thucim awn, ng’tüi ba ne, sih nak kä om ciah angtäi ghing ciah Khanpughi ah hta ah nami kyak ci nei.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

1 JOHAN 5:4

A i ah kyasei ci ung Khanpughi ah hta phung cun naw khomdek khan cu m’khüt näng ci. M’dek khan ung m’khüt näng nak mi gah cu mi yum nak awn ah kyak ci.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

KALATIAN 5:17

A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.

1 JOHAN 4:7

Teihpüi gui aw, tumat la tumat mi ng’hni tuk khai nei, a i ah kiasei ci ung m’hni nak cu Khanpughi ungka lawk ci. M’hni nak om cicu Khanpughi ah hta ah kyak ci, Khanpughi phi hmat ci.

MATTHE 7:18

A ghing nik cicu akshe ah käm theih ci, a ghing shek ci cu akni ah käm theih ci.

ROMAN 6:2

Cun ah kä kyak ci nei, katnak mi hnu nah pyi ciah chang cu, a i ah kya sei katnak ung mi ng’len ba lä vai ang!

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

JOB 19:28

Kei cu thüi ne ka tha ken ci nei. Nangmi naw amawng shui ne kei cu nami na ng’tuk püi ci.

SAM 119:3

Ngami cu cheishoh nak kä bi phung ci gui; Bawipa ah lam ung hteit ci gui.

1 JOHAN 3:6

Cun ah kyasei Bawi Khrit ung kawng ät ne ghing ciah chang cu, cheishoh nak kä bi ba ci, cheishoh nak bi ba cicu ani kä hmuhmat ciah chang ah kyak ci.

3 JOHAN 1:11

Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.

TAIGÜTHUM 11:37

Cun gui cu phu geit vai ah geit m’shi ah khan ah a kyak ung geit m’shi cu theing ei ci.