1 JOHAN 3:8 - Cho Bible Common Language 2016

⁸ Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

1 JOHAN 3:8 Referans Kwoze

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

KOLOSE 2:15

Acun ah kutlamtung khan ah Bawi Khrit naw amät cu, Mumcha uknak ah hlüngtai nak la huham nak gui ungka phiawn sak ci.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

JOHAN 16:11

M’dek khan uk ciah bawi cu m’khoichaa nak gah pyi ci kya sei, m’khoichaa nak ah mawng dang khai.

JOHAN 12:31

Shin ah khomdek cu tuhbäi m’khawichaa nak gah pyi ci nei, khomdek khan uk ci cun phi tuhbäi htin lawk khai nei.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

MATTHE 13:38

Loma cu khomdek khan ah kyak ci. M’shi k’ni cu khankho uknak khäm ciah chang gui ah kyak ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

1 JOHAN 3:5

Bawi Khrit cu cheishoh nak theek sak khai ah kyum lawk ci, cicu nami hmat ci; Bawi Khrit ung cheishoh nak kä om ci.

THU PHLAAN 20:15

Ghin nak ca-uk ung ang ming kä ng’gu tuk ciah chang gui phung cu cun ah meidäi ung yuk shum gui yawp ci gui.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

MATTHE 12:28

Kei naw Beelyebul ah na peit ah k’thamah nak awn kä kyak ciah, Khanpughi ah Mumcha ah na peit ah bämang thamah nak awn, khoshe gui cu ka k’täm ci. Cun ah kyasei Khanpughi ah uknak kho cu nami khan ah gawk law pyii ci nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

1 JOHAN 1:2

Cun ah ghin nak mik awn hmuh vai ah a om yah ung mi hmuk ci, ani ah mawng phi mi pyein sak ci. Pa Khanpughi awn a täng ah om ciah ang täi ghin nak cu keimi ah khan ah dang sei, acun ah mawng cu kami pyein ci.

KHEI NAK 21:9

Cun ah kyasei Moses naw kyei phyu gup pyang ne, k’tung ung tai ci. A u chang phi phyu naw akdawh ung acun ah kyei phyu gup ateng ung gai ba ci.