1 JOHAN 3:7 - Cho Bible Common Language 2016

⁷ Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

1 JOHAN 3:7 Referans Kwoze

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

1 JOHAN 2:26

Nangmi ning m’hleeihlak ning k’fifaih gui ciah a mawng cu, shin ah ka guk ah kyak ci nei.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

LUKA 1:75

Cun ah kyasei mikmi cu theingcim nak la düng nak awn Khanpughi ah ma ah mi ghin nak chuih mi om khai.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

MATTHE 5:20

Kei naw akcang ka pyein cu, Khanpughi ah ang yak hlü ah om nak ung, Pharisee gui la thukhän saya gui ah mä, kä nami bä pi ah a kyak ung khankho ah kä nami gawk hlawt khai.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

HEBRU 7:2

Abraham naw agah avan ah bum ghaa bum ät cu pek ci. (Melchizedek ah aming cu ‘Düng nak ah Ghangpughang,’ ciah kyak ci. A i ah kia sei ci ung ani cu Salem ghangpughang ah kyak ci. Cun kawn ah “Dimdeeih nak ah ghanpughang ngah phi ming ci.”)

HEBRU 1:8

Cun ung phi A Htapa ah mawng a pyein nak läi ung Khanpughi naw, “O Khanpughi, na uknak ah kho cu, ang täi sei khäng khai nei! Nang naw na chang gui cu ng’müi khai ah Na uk gui ci nei.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

1 JOHAN 4:17

M’hni nak cu mikmi ung kümbe ci kyasei, m’khoichaa nak ah Hnüüp ung mikmi cu k’thamah nak om khai nei. Cun ah a om ah mawng cu, mikmi cu khomdek khan ah mi ghin nak ung Bawi Khrit ah mäih ah mi ghin ah hmawk ah kyak ci.