1 JOHAN 3:3 - Cho Bible Common Language 2016

³ Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

1 JOHAN 3:3 Referans Kwoze

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

1 JOHAN 2:6

Kei Khanpughi ung ka ghing ci nei, cik ciah chang cu, Bawi Jesuh Krit ah mäih ah a ghin om vai nei.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

HEBRU 7:26

Cun ah kyasei Bawipa Jesuh cu mikmi ung hlü ci awn ng’müi ciah Taigü Tung ah kyak ci. Ani cu theingcim ci, shetkat nak ani ung kä om ci. Ani cu shetkat nak ungka m’chah ne, khan mawpi ah a thawh ba sak ah kyak ci.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.

LUKA 6:36

Nami Pa Khanpughi naw a ning m’gein gui ah mäih ah nami ng’gein tu vai.

1 JOHAN 4:17

M’hni nak cu mikmi ung kümbe ci kyasei, m’khoichaa nak ah Hnüüp ung mikmi cu k’thamah nak om khai nei. Cun ah a om ah mawng cu, mikmi cu khomdek khan ah mi ghin nak ung Bawi Khrit ah mäih ah mi ghin ah hmawk ah kyak ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

2 SAMUEL 22:27

Theing cim ci gui ah khan ah nang cu na theing cim ci, Cun ung phi shekat ci gui ah khan ah ng’tuk na bik ci.

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

1 PETER 1:15

Ning khü gui ciah Khanpughi cu theingcim ci kyasei, nami bilawh phung cu theingcim sä.