1 JOHAN 3:23 - Cho Bible Common Language 2016

²³ Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.

1 JOHAN 3:23 Referans Kwoze

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

JOHAN 15:12

Kei ah thukhän cu; kei naw ka ning m’hni gui ah mäih ah tumat la tumat nami yumhni tu vai nei.

JOHAN 6:29

Bawipa Jesuh naw, “Khanpughi ah ang yak hlü cu amät naw a tüih law ah akchang cu nami yum vai ah kyak ci nei” cine kyak na gui ci.

1 PETER 4:8

A mawng ama avan ung akcang ah nami ng’yumhni tu vai, a i ah kia sei ci ung m’hni nak naw, cheishoh nak avan cu a khüm ah hmawk ah kyak ci.

1 JOHAN 3:11

Cau ak htük ge ung mi ng’yak ah thu Ni cu, “Mikmi cu tumat la tumat mi ng’hni tuk khai nei,” ciah kyak ci.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

1 THESSALONIAN 4:9

Zum ci gui nami mät nami ng’hni tu vai ah mawng cu ca guk vai kä hlü ci. Nami mät gui nami ng’hni tu vai ah nami mät cu Khanpughi naw ning m’thein gui pyi ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

MAKUH 9:7

Cun kawn ah khomei tumat dang law ne ami khan ah hnim law gui ci. “Shin cu kei ah m’hni ah Ka Htapa nei, ani ah ng’thu cu ngai vä” ciah k’ow cu khomei ungka ng’thang lawk ci.

MATTHE 22:39

Ak hnih nak ah ak hlüngtai pibäih la ak küikyang pi bäih ah thukhän cu, ‘Nak chang paw cu na mät awn m’täng ne nam hni vai,’ ciah thukhän ah kyak ci.

LAMKTU 16:31

Ngami naw, “Jesuh Bawipa cu na yum vai, cun ung na mät la na kyong ungka gui nami van naw hun nak nami gah khai” cine m’thein ci gui.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

JOHAN 1:12

Ani dou ne yum ciah chang gui-am Khanpughi ah hta ah kyak nak pe gui ci.

JOHAN 2:23

Bawipa Jesuh naw, phiawn nak (Pasakha) pawi yah ung Jerusalem ah cäi aih vai abi gui cu, chang gui naw hmu u netah, chang akda naw yum lawk ci gui.

JOHAN 3:18

Khanpughi ah Htapa yum ciah chang cu a hma m’kat nak kä om ci, kä yum ciah chang cu, Khanpughi ah Htapa kä ah yum ah hmawk ah, tuhbäi ge hma m’kat nak gah ci.

1 JOHAN 2:7

Teihpüi gui awi, tuhbäi kei naw ka guk law ah thukhän cu ak thai ah kä kyak ci; cau ak htük ge ung nangmi naw nami ng’yak pyi ah thukhän phyim ah kyak ci. Thukhän phyim cu nangmi naw nami ng’yak pyi ah thu ah kyak ci.

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

1 JOHAN 5:13

Kei naw shin ah ca ka ning guk law gui ah mawng cu, nangmi cu Khanpughi ah Htapa nami yum ci kyasei, angtäi ghin nak nami gah ah mawng cu, nami hmat vai ah hmawk ah kyak ci nei.